10.10.2026 | 12:57
Նավթի գներն աճել են
Տարոն Մարգարյանը չի պատրաստվում հրաժարական տալ․ նա դիմում է իրավապահներին՝ ակտիվիստների այսօրվա գործողությունների շուրջ քննություն սկսելու պահանջով. ՏԵՍԱՆՅՈՒԹ
Քաղաքականություն
16.05.2018 | 19:50
Երևանի քաղաքապետարանի առջև, ապա արդեն քաղաքապետարանի շենքում տեղի ունեցած բողոքի ակցիաներից հետո երեկոյան քաղաքապետարանի դիմաց հավաքված քաղաքացիներին դիմելով՝ Տարոն Մարգարյանը նախ շնորհակալություն հայտնեց իր աջակիցներին, ապա պատասխանելով լրագրողների հարցերին՝ նշեց․«Ամբողջ աշխարհում ընդունված չէ, որ երբ մի ուժ գալիս է իշխանության, փորձի ճնշել տեղական իշխանությանը, տեղական ինիքնակառավարման մարմիններին։ Մենք շարունակելու ենք մեր աշխատանքը, մենք շարունակելու ենք մեր քաղաքացիների հետ նշել Երևանի 2800 ամյակը»։
Լրագրողների հարցին, թե ինչու Մարգարյանը դուրս եկավ այն պահին, երբ իր հրաժարականը պահանջող քաղաքացիները հեռացել էին և մնացել էին միայն իր աջակիցները՝ Երևանի քաղաքապետը պարզաբանեց, թե ինքն այդ ժամանակ աշխատանքային հանդիպումներ է ունեցել այլ վարչական շրջանում և դրանց ավարտից հետո է միայն կարողացել գալ քաղաքապետարան։
«Ես դատապարտում եմ այն, ինչ այսօր տեղի է ունեցել։ Տեղական ինքնակառավարման մարմինն անկախ է, մենք մեր աշխատանքներն ենք իրականացնում: Ակտիվիստները ներխուժել են շենք և խոչընդոտել են մեր բնականոն աշխատանքներին։ Ես կոչ եմ անում իրավապահներին՝ այս անօրինական գործողությունները վերցնել իրենց քննության տակ։ Մենք նման անօրինականությունները չենք հանդուրժելու»,- զգուշացրեց Մարգարյանը։
Անդրադառնալով Մյասնիկյանի արձանի հետևում գտնվող այգու բարեկարգման հետ կապված դժգոհություններին՝ Մարգարյանը նշեց, որ այգին 10 տարի է՝ վարձակալությամբ էր տրված, և շնորհակալություն հայտնեց վարձակալին տարածքը քաղաքապետարանին վերադարձնելու համար: Նրա հավաաստմամբ՝ այգին «Վարդանյան ընտանիք» հիմնադրամի կողմից նվեր է լինելու Երևանի 2800 -ամյակի կապակցությամբ:
