16.09.2026 | 12:40
ՌԴ-ն ուկրաինական Դնեպրոպետրովսկում ավտոբուսի և Կիև–Նիկոլաև գնացքին է հարվածել․ ՏԵՍԱՆՅՈՒԹ
Ուկրաինայի Դոնեցկի մարզից համընդհանուր տարհանում են պատրաստվում իրականացնել էներգամատակարարման բացակայության պատճառով
30.07.2022 | 22:30
Ուկրաինայի Դոնեցկի մարզի չօկուպացված շրջաններից բնակչության պարտադիր տարհանում է պատրաստվում ջեռուցման սեզոնի սկսվելուց առաջ: Unian.net-ի փոխանցմամբ՝ այս մասին համաուկրաինական հեռուստամարաթոնի ժամանակ հայտարարել է բռնազավթված տարածքների վերաինտեգրման հարցերով փոխվարչապետ Իրինա Վերեշչուկը։
Նա նշել է, որ երեկ՝ հուլիսի 29-ին, նախարարների կաբինետը ստեղծել է Դոնեցկի մարզի բնակիչների տարհանման շտաբ: Դոնեցկի մարզում բացարձակապես բացակայում է գազամատակարարումը․ չնայած բոլոր գազատարները վերանորոգել են, սակայն ռուսական զինուժը, ըստ փոխվարչապետի, ոչնչացնում է այն ամենը, ինչը կարող էր ձմռանը տաքացնել մարդկանց։
Նրա խոսքով՝ Դոնեցկի մարզից ստիպված կլինեն տարհանել առնվազն 200-220 հազար բնակիչների, որոնցից 52 հազարը երեխաներ են:
Վերեշչուկը նաև նշել է, որ Դոնեցկի մարզի բնակիչները հնարավորություն կունենան գրավոր հրաժարվել տարհանումից:
Տարհանում կարող է իրականացվել նաև Զապորոժիեի մարզից, որի 65%-ը զրկված է գազից։
