07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Գյումրիում տարեց տղամարդկանց ծեծի գործով 5 կալանավորվածներից 3-ն ազատ արձակվեցին
Հասարակություն
29.07.2022 | 21:14
Շիրակի մարզի ընդհանուր իրավասության դատարանում այսօր շարունակվել է Երևանյան խճուղու կանգառներից մեկում ընդդիմադիրների ավտոերթի օրը տարեց տղամարդկանց նկատմամբ բռնության գործադրելու դեպքով դատական նիստը։
Այս գործով կար 5 կալանավորված, որոնցից երեքի՝ Գևորգ Մուրադյանի, Արսեն Մարտոյանի, Գոռ Մաթևոսյանի խափանման միջոցն այսօր փոխվել է։ Դատավոր Ռոման Սմբատյանը բավարարել է գրավի դիմաց ազատ արձակելու՝ փաստաբան Աբգար Պողոսյանի միջնորդությունը, որոշվել է ազատ արձակել 1,5 միլիոն դրամ գրավի դիմաց։
Դատավորը մերժել է գրավով կամ երաշխավորով ազատ արձակել Գոռ Սարգսյանին և Տարոն Մանուկյանին՝ ԱԺ դաշնակցական պատգամավոր Գեղամ Մանուկյանի որդուն։
Դատարանում այսօր ցուցմունք են տվել 4 տուժող տարեց տարեց տղամարդիկ, որոնք վերահաստատել են իրենց նախաքննական վերջին ցուցմունքները․ նրանք ասել են, որ կալանավորված երիտասարդներին չեն ճանաչում, որևէ բողոք-պահանջ չունեն։
Հաջորդ դատական նիստը նշանակվել է օգոստոսի 15-ին։
Արմիկ Մովսիսյան
