16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պեսկովը խոսել է Շվեդիայի ու Ֆինլանդիայի՝ ՆԱՏՕ-ի անդամակցությունից
Քաղաքականություն
29.07.2022 | 20:41
Շվեդիայի ու Ֆինլանդիայի ՆԱՏՕ-ին անդամակցությունը ֆորմալ քայլ է, բայց կարևոր է հաշվի առնել, թե ինչ հետևանքներ կունենա։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է Ռիա Նովոստին։
«Ինչ է հաջորդելու, ի՞նչ է լինելու ռազմական ենթակառուցվածքների հետ, ի՞նչ է լինելու ռազմական հրահանգիչների հետ, ի՞նչ է լինեու ՆԱՏՕ-ի արտասահմանյան բազաների հետ և այդպես շարունակ։ Ահա, թե ինչումն է հարցը»,-ասել է Պեսկովը։
Նա նշել է, որ երկու երկրների անդամակցությունը դարձել է ՆԱՏՕ-ի առաջխաղացման հաջորդ փուլը դեպի Ռուսաստանի սահմանները։ Ըստ Պեսկովի՝ Պաշտպանության նախարարությունը կուսումնասիրի ստեղծված իրավիճակը և կաշխատի արևմտյան թևերի ուժեղացման ուղղությամբ՝ նախագահի հանձնարարությամբ։ Նա հավելել է, որ Մոսկվան կշարունակի երկկողմ հարաբերություններում հաշվի առնել Հելսինկիի և Ստոկհոլմի այս որոշումը։
Հիշեցնենք, որ Շվեդիան ու Ֆինլանդիան պաշտոնապես դիմել են ՆԱՏՕ-ին անդամակցելու համար։ Այժմ դաշինքի անդամ երկրների խորհրդարաններում այդ փաստաթղթի վավերացման գործընթացն է ընթանում։
Էմմա Չոբանյան
