18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
Իրանի դեմ ագրեսիայի ցանկացած գործողություն կարժանանա ԶՈւ-ի կոշտ պատասխանին․Իբրահիմ Ռաիսի
Քաղաքականություն
29.07.2022 | 14:12
«Իրանի դեմ ագրեսիայի ցանկացած գործողություն կարժանանա երկրի զինված ուժերի կոշտ պատասխանին, ու կստիպի թշնամուն զղջալ իր արարքի համար, իսկ տարածաշրջանային պետությունները հպարտանում են Իրանի հզորությամբ ու իրենց ապահով զգում»,- Mehr լրատվականի փոխանցմամբ՝ հայտարարել է ԻԻՀ նախագահը։
Իբրահիմ Ռաիսին ասել է, որ Իրանը զսպման այնպիսի բարձր մակարդակ է ստեղծել, որ «թշնամին նույնիսկ չի կարող մտածել նրա դեմ որևէ քայլ ձեռնարկելու մասին»:
Իրանի նախագահի այս հայտարարությունները հնչել են Համադան քաղաքի Շահիդ Նոջե ավիաբազայի անձնակազմի սպաների և ընտանիքների հետ հանդիպման ժամանակ: Ըստ Ռայիսիի՝ պաշտպանության ոլորտում երկրի առաջընթացը պատժամիջոցների հաջող չեզոքացման օրինակներից մեկն է։
Տաթև Ֆռանգյան
