25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Մոսկվան Վաշինգտոնի հետ բանտարկյալների փոխանակման բանակցություններ է վարում
Քաղաքականություն
28.07.2022 | 21:31
ՌԴ ԱԳՆ-ն հաստատում է ԶԼՄ-ի այն տեղեկությունները, որ Վաշինգտոնի հետ բանակցություններ են վարվում բանտարկյաների փոխանակման շուրջ, գրում է DW-ի ռուսական ծառայությունը։ Կոնկրետ արդյունք, սակայն, դեռ չկա։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ երկու երկրների բանտարկված քաղաքացիների փոխանակման հարցը «մի ժամանակ քննարկվել է Ռուսաստանի և ԱՄՆ նախագահների կողմից», նրանք լիազոր գերատեսչություններին հանձնարարել են բանակցություններ սկսել այդ թեմայով։
«Մենք ելնում ենք նրանից, որ բանակցային գործընթացում պետք է հաշվի առնել երկու կողմերի շահերը»,-ասել է Զախարովան։ Նա չի նշել բանտարկյալների կոնկրետ անունները։
Հավելենք, որ նախօրեին CNN-ը հայտնել էր, որ նախագահ Ջո Բայդենի վարչակազմը դիմել է ՌԴ-ին առաջարկով՝ փոխանակել ԱՄՆ-ում դատապարտված Ռուսաստանի քաղաքացի Վիկտոր Բուտին ՌԴ-ում պահվող երկու ամերիկացիների հետ՝ բասկետբոլիստ Բրիտնի Գրիների, որը մեղադրվում է թմրանյութերի մաքսանենգության մեջ և Փոլ Ուելանի հետ, որը դատապարտվել է լրտեսության համար։
ԱՄՆ պետքարտուղար Էնթոնի Բլիքենն էլ ասել է, որ մի քանի շաբաթ Մոսկվայի հետ քննարկում են այդ հարցը, և մտադիր է ՌԴ ԱԳ նախարար Սերգեյ Լավրովի հետ առաջիկա օրերին կայանալիք հեռախոսազրույցում դարձյալ անդրադառնալ դրան։
Էմմա Չոբանյան
