12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Պետական վերահսկողություն օպերատիվ հետախուզական գործունեության նկատմամբ չի եղել․ Հայկ Մարտիրոսյան․ ՏԵՍԱՆՅՈՒԹ
Քաղաքականություն
28.07.2022 | 13:37
Ազգային անվտանգության ծառայությունն «Իրավական ակտերի նախագծերի» հրապարակման միասնական կայքում հանրային քննարկման է ներկայացրել «Պետական և ծառայողական գաղտնիքի մասին» օրենքի նախագծի վերամշակված տաբերակը, որով առաջարկում են արդիակացնել այն:
«Միայն e-draft.am կայքում տեղադրելով՝ հնարավոր չէ ամբողջությամբ վերափոխել կամ վերաիմաստավորել պետական գաղտնիք հանդիսացող և ընդհանրապես սահմանափակ շրջանառության տեղեկատվության վերաբերյալ իրավակարգավորումները: Խնդիրը համակարգային է, այն վերաբերում է ընդհանրապես օրենսդրական գործընթացներին»,- «Տեղեկությունը պետական գաղտնի՞ք է, թե ոչ․ ԱԱԾ-ն առաջարկում է արդիականացնել «Պետական և ծառայողական գաղտնիքի մասին» օրենքը» թեմայով քննարկման ժամանակ այս կարծիքը հայտնեց Թրանսփարենսի Ինթերնեշնլ հակակոռուպցիոն կենտրոնի իրավական հարցերով փորձագետ Հայկ Մարտիրոսյանը:
Փորձագետի դիտարկմամբ՝ օրենսդրության կարգավորման համար շատ կարևոր է պրակտիկան:
«Հիմնական խնդիրը, որ տեսնում եմ այս օրենսդրական փաթեթում, կապված է օպերատիվ հետախուզական գործունեության ոլորտի հետ. կարելի է ասել, որ հանրային արդյունավետ վերահսկողություն օպերատիվ հետախուզական գործունեության նկատմամբ չի եղել և չի կարելի ակնկալել, թե առաջիկայում այս փաստաթղթոով կլինի, հնարավոր չէ: Օպերատիվ հետախուզական գործունեության նկատմամբ պետական վերահսկողությունն առավելապես առնչվում է մարդու իրավունքների և ազատությունների սահմափակումներին և խախտումներին. դատախազական վերահսկողության մեխանիզմները բավականին սահմանափակ են եղել պրակտիկայում, այնպես որ ցանկալի է, որ օրենքը դիտարկվի նաև այլ օրենսդրական ակտերի լույսի ներքո»,- ասաց Հայկ Մարտիրոսյանը:
Մանրամասները՝ տեսանյութում:
