15.04.2026 | 19:17
Հենրի Ավագյանը ռեկորդ է սահմանել «Փյունիկում»
Հայաստանում քաղբանտարկյալներ չկան. Կարեն Անդրեասյան․ ՏԵՍԱՆՅՈՒԹ
Հասարակություն
28.07.2022 | 12:22
«Հայաստանում քաղբանտարկյալներ չկան»,- ՀՀ կառավարության նիստից հետո, լրագրողների հարցին ի պատասխան, այս մասին հայտարարեց ՀՀ արդարադատության նախարար Կարեն Անդրեասյանը։
Անդրադառնալով ընդդիմադիրների կալանավորման փաստին, նախարարն ընդգծեց, որ իշխանությունը դրա հետ որևէ կապ չունի. «Դիմեք դատավորին և հարցրեք՝ ինչպե՞ս է ինքը որոշումներ կայացնում»:
ԱՆդրեասյանն ընդգծեց, որ որևէ նախարար իրավունք չունի գնահատական տալ դատավորների աշխատանքին. «Դա օրինախախտում է և քրեորեն պատժելի արարք է»:
Անդրադառնալով հարցին, թե արդյոք պրոդյուսեր Ամեն Գրիգորյանին (ով օրերս դատական նիստի ժամանակ հանկարծամահ է եղել) կալանավորելը ճիշտ քայլ է եղել դատավորի կողմից, Անդրեասյանը նշեց. «Ողբերգությունը չի փոխում իրավաբանական հիմքերը: Իմ կողմից գնահատական հնչեցնելը՝ արդար է գործել դատավորը, թե ոչ, ապօրինություն է: Անկախ հետևանքներից ու անկախ ողբերգություններից, մենք չենք կարող մեր պաշտոնական պարտականություններից դուրս գալ և խախտել օրենք ու Սահմանադրություն»:
Մանրամասները՝ տեսանյութում:
