20.06.2026 | 23:35
ԱԱ-2026. Նիդերլանդները 5 գոլ խփեց Շվեդիային. ՏԵՍԱՆՅՈՒԹ
Կառավարությունը քննարկում է խախտումներով աշխատած ընկերությանը 1,5 մլրդ դրամի հարկային արտոնություններ տալու հարցը
Տնտեսություն
27.07.2022 | 23:01
Գործադիր մարմնի նիստի վաղվա օրակարգ է ընդգրկվել կաթնամթերքի արտադրությամբ զբաղվող «Ստեպ Պրոգրես» ՍՊԸ-ին արտոնություններ տալու նախագիծը։ Փաստաթղթում նշված է, որ այս ընկերությունը ցանկանում է արտադրել 82․5% և 72․5% յուղայնությամբ սերուցքային կարագ։ Այդ նպատակով նախատեսվում է իրականացնել 9․9 մլրդ դրամի ներդրում հումքի ձեռքբերման համար և 70 մլն դրամի կապիտալ ներդրում, իսկ հարկային արտոնությունները կազմում են 1,5 մլրդ դրամ։ Նախատեսվում է ներդրումային ծրագրի շրջանակում ստեղծել 9 նոր աշխատատեղ` 182,000 դրամ միջին աշխատավարձով։
Նշենք, որ սննդամթերքի անվտանգության պետական ծառայությունը 2018 թվականին տեղեկացրել էր, որ մասնագետների կողմից «Ստեպ Պրոգրես» ընկերության պանրի արտադրամասում իրականացրած ստուգման ընթացքում արձանագրվել է անհամապատասխանություն: Չոր անյուղ պանրի փոշուց վերցված նմուշի լաբորատոր փորձաքննության արդյունքները ցույց էին տվել, որ դրանցում առկա են մանրէաբանական անհամապատասխանություններ՝ աղիքային ցուպիկի խմբի (ԱՑԽՄ) և մեզոֆիլ աէրոբ ու ֆակուլտատիվ անաէրոբ մանրէներ (ՄԱՖԱՄ) ցուցանիշներով։ ՍԱՊԾ-ն կասեցրել էր «Ստեպ Պրոգրես» ՍՊԸ-ի արտադրական գործունեության առանձին գործառույթը և փորձաքննություններ նշանակել։
