16.09.2026 | 18:10
Ալեն Սիմոնյանը՝ ռուսական ռազմաբազայի մասին // Նոր Սահմանադրության տեքստը մինչև տարեվերջ կհրապարակվի․ ԼՈՒՐԵՐ
Հունահռոմեական ոճի ըմբշամարտիկ Գասպար Տերտերյանը դարձավ պատանիների աշխարհի չեմպիոն
27.07.2022 | 21:26
Հռոմում ընթացող հունահռոմեական ոճի ըմբշամարտի պատանիների աշխարհի առաջնությունում մեր սան Գասպար Տերտերյանը 60կգ քաշային կարգում դարձել է աշխարհի չեմպիոն։ Այս մասին տեղեկացնում է Վաղարշապատի մանկապատանեկան մարզադպրոցը։
Կիսաեզրափակիչ գոտեմարտում հայ մարզիկը 5-1 հաշվով հաղթել է իրանցի Աբոլֆազի Հոսսեին Միրշեքարին: 1/4 եզրափակչում բացահայտ առավելությամբ՝ 8-0 հաշվով` թուրք Յուսուֆ Քիլչանին:
Մինչ այդ նա առավելության էր հասել ղազախ Յուսուֆ Աշրապովի նկատմամբ, իսկ որակավորման փուլի գոտեմարտում Գասպարը ժամանակից շուտ 9-0 հաշվով հաղթել է ԱՄՆ-ը ներկայացնող Զան Ռոբերտ Ֆուգիտտին:
Եզրափակչում մեր մարզիկը գոտամարտել է Ֆրանսիան ներկայացնող Լուկաս Կեվին Գրասսոյի հետ` հռչակվելով աշխարհի չեմպիոն։
Նշվում է, որ նման արդյունք Վաղարշապատում վերջին անգամ գրանցվել է 1990 թվականին։
