18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
Թուրքիայի ԱԳՆ-ն դատապարտել է ՄԱԿ-ի Գլխավոր ասամբլեայի նախագահի Ծիծեռնակաբերդ այցը
Քաղաքականություն
27.07.2022 | 19:36
Թուրքիայի ԱԳՆ-ն արձանգել է ՄԱԿ-ի Գլխավոր ասամբլեայի նախագահ Աբդուլլա Շահիդի Ծիծեռնակաբերդ այցին։ Բնականաբար, Թուրքիայի ԱԳՆ-ն այն դատապարտել է ու նշել է, որ Շահիդի այցը Հայաստան իբր օգտագործվել է,որպես «հայկական միակողմանի թեզերի գործիք» և այս «համատեքստում Շահիդն այցելել է ,այսպես կոչված ցեղասպանության հուշարձան»։
Նշվում է, որ ՄԱԿ-ի ԳԱ նախագահը պետք է ավելի ուշադիր լինի ու գործի պատասխանատու։
«ՄԱԿ-ի լիազորված մարմինները ներկայացնող անձինք պարտավոր են գործել ՄԱԿ-ի օրենսդրությանը և միջազգային իրավական նորմերին ու կանոններին, մասնավորապես, 1948թ-ի Ցեղասպանության կանխարգելման և պատժի մասին ՄԱԿ-ի կոնվեցիային։ Մենք դատապարտում և մերժում ենք քաղաքական շահարկումների միջոցով պատմական փաստերը և միջազգային իրավունքը կեղծելու փորձերը»,-ասվում է հայտարարության մեջ։
Ի դեպ, Հայոց ցեղասպանության զոհերին նվիրված հուշահամալիր այսօր կատարած այցի մասին ՄԱԿ-ի ԳԱ-ի նախագահը գրառում էր արել թվիթերյան իր էջում, սակայն որոշ ժամանակ անց գրառումը հեռացվել էր։
Էմմա Չոբանյան
