19.08.2026 | 16:33
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
Իրաքի Մոսուլ քաղաքում Թուրքիայի հյուպատոսությունը հարձակման է ենթարկվել
Քաղաքականություն
27.07.2022 | 17:56
Հուլիսի 27-ի վաղ առավոտյան հարձակման է ենթարկվել հյուսիսային Իրաքի Մոսուլ քաղաքում Թուրքիայի գլխավոր հյուպատոսության շենք։ Այս մասին գրում են թուրքական լրատվամիջոցները ՝ Թուրքիայի արտաքին գործերի նախարարությանը հղումով։ Պաշտոնյաներից մեկը հայտնել է, որ ականանետերի արկերն ընկել են շենքի հարևանությամբ, զոհեր չկան։
«Մենք դատապարտում ենք այս հարձակումը ամենախիստ ձևով և ակնկալում, որ մեղավորները, որքան հնարավոր է շուտ, պատասխանատվության կենթարկվեն»,-ասվում է հայտարարության մեջ։
Նախարարությունը նշել է, որ հարձակումը համընկել է ՄԱԿ-ի Անվտանգության խորհրդի նիստի հետ, որը տեղի է ունեցել իրաքյան իշխանությունների խնդրանքով` քննարկելու անցյալ շաբաթ հյուսիսային Իրաքում կատարված հարձակումը, որի համար Բաղդադը մեղադրում է Անկարային։
Հիշեցնենք, որ անցյալ շաբաթ Իրաքի Քուրդիստանի Դուհոկ նահանգի Զախո հանգստավայրի հրետակոծության հետևանքով զոհվել էր 9-ը, վիրավորվել՝ 23 մարդ։ «Մենք ևս մեկ անգամ կրկնում ենք մեր կոչը Իրաքի իշխանություններին՝ կենտրոնանալ ահաբեկչության դեմ պայքարի վրա և վերջ դնել ահաբեկիչների ներկայությանը իրենց տարածքում», – ասվում է Թուրքիայի ԱԳՆ հայտարարության մեջ։
Էմմա Չոբանյան
