16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԱՄՆ-ը Ռուսաստանին զգուշացրել է․ Ուկրաինայի օկուպացված տարածքների բռնակցման դեպքում արագ և խիստ արձագանք կլինի
Քաղաքականություն
27.07.2022 | 22:19
ԱՄՆ-ը Ռուսաստանին նախազգուշացրել է, որ Ուկրաինայի օկուպացված տարածքների բռնակցման դեպքում արագ և կոշտ արձագանք կլինի։ Այս մասին ասվում է Ուկրաինայում ԱՄՆ դեսպանատան կայքէջում, գրում է korrespondent-ը։
«Մենք տեղյակ ենք Ռուսաստանի հաջորդ քայլի մասին: Ռուսաստանը հիմք է ստեղծում իր կողմից գրավված ուկրաինական տարածքների անեքսիայի համար, ինչը Ուկրաինայի ինքնիշխանության ուղղակի խախտում է: Եթե Ռուսաստանը շարունակի իրականացնել իր բռնակցման ծրագրերը, մենք արագ և խստորեն կպատասխանենք մեր դաշնակիցների ու գործընկերների հետ միասին»,- ասված է հայտարարության մեջ։
Լրատվամիջոցների գնահատականներով՝Կրեմլը մտադիր է սեպտեմբերին անեքսիայի ենթարկել Ուկրաինայի ողջ տարածքի մեկ հինգերորդը կեղծ հանրաքվեների միջոցով։ Վերջերս ՌԴ ԱԳ նախարար Սերգեյ Լավրովն այդ մասին ակնարկել էր՝ հայտարարելով, որ Ուկրաինայում Մոսկվայի ռազմական նպատակները «այժմ դուրս են գալիս Դոնբասի սահմաններից»։
Տաթև Ֆռանգյան
