13.06.2026 | 11:33
Հնդկաստանում ՀՀ դեսպանը մասնակցել է Sri Lanka EXPO-2027 ցուցահանդեսի միջոցառումների վերաբերյալ քննարկումներին
Դատարանը մերժեց «Սասնա ծռերի» խափանման միջոց կալանքը փոխելու միջնորդությունը. ՏԵՍԱՆՅՈՒԹ
Հասարակություն
16.05.2018 | 16:08
Այսօր՝ մայիսի 16-ին Երևանի Շենգավիթի ընդհանուր իրավասության դատարանում կայացավ ոստիկանության ՊՊԾ գնդի գրավման գործով 10 մեղադրյալների դատական նիստը։ Փաստաբանները նիստի ընթացքում ներկայացրին իրենց պաշտպանյալների խափանման միջոց կալանքը փոխելու մասին միջնորդություններ:
Դատարանը խորհրդակցական սենյակից վերադառնալով հրապարակեց կայացրած որոշումը, ըստ որի՝ «Սասնա ծռերի» 10 անդամների նկատմամբ կիրառված խափանման միջոցը փոխելու փաստաբանների միջնորդությունը մերժվեց:
Հիշեցնենք, որ «Սասնա ծռերի» գործից առանձնացված 10 մեղադրյալներն են՝ Պավել Մանուկյանը, Վարուժան Ավետիսյանը, Արայիկ Խանդոյանը, Մխիթար Ավետիսյանը, Գագիկ Եղիազարյանը, Արմեն Բիլյանը, Սմբատ Բարսեղյանը, Արեգ Կյուրեղյանը, Էդուարդ Գրիգորյանը և Սեդրակ Նազարյանը։
Նշենք, որ մեղադրյալները առանց դատավճիռը մինչև վերջ լսելու լքեցին դահլիճը:
