09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիան ութ նահանգում պայքարում է անտառային հրդեհների դեմ
Քաղաքականություն
25.07.2022 | 19:43
Թուրքիայում 8 նահանգում պայքարում են անտառային հրդեհների դեմ, հայտնում են տեղական լրատվամիջոցները։ Նշվում է, որ հրշեջներն աշխատում են արևմտյան Քութահյա, Մանիսա և հարավային Մերսին նահանգներում հրդեհները մարելու ուղղությամբ, որոնք բռնկվել էին շաբաթավերջին։
Արևմտյան Ուշակ, Այդին, հարավարևմտյան Մուղլա և հարավարևելյան Ադանա, ինչպես նաև Բինգյոլ նահանգներում բնռկված հրդեհները հսկողության տակ են առնվել։ Քամու պատճառով տարածված անտառային հրդեհները մարելուն ուղղված ջանքերը շարունակվում են օդից ու ցամաքից։
Հիշեցնենք, որ անցյալ ամռան Թուրքիայում բռնկված մի շարք հրդեհներ ոչնչացրեցին տասնյակ հազարավոր հեկտար անտառներ Միջերկրական և Էգեյան ծովի նահանգներում, ինչը դարձավ երկրի պատմության մեջ ամենասարսափելի անտառային հրդեհները: Թուրքական կառավարությունն էլ հասարակական խիստ քննադատության արժանացավ հրդեհաշիջման աշխատանքների կազմակերպման ձախողման համար։
Էմմա Չոբանյան
