09.10.2026 | 17:08
Պուտինը, Ալիևն ու Փեզեշքիանը Թուրքմենստանում եռակողմ հանդիպում են անցկացրել
Թուրքիան շվեդ դիվանագետին կանչել է ԱԳՆ՝ քրդերի «ահաբեկչական քարոզչության» պատճառով
Քաղաքականություն
25.07.2022 | 21:56
Թուրքիայում Շվեդիայի գործերի հավատարմատարը շաբաթավերջին կանչվել է ԱԳՆ՝ բացատրվելու, թե ինչն է Անկարան անվանում «ահաբեկչական քարոզչություն»՝ հաջակցություն քուրդ զինյալների, հայտնում է AFP-ն՝ վկայակոչելով իր դիվանագիտական աղբյուրին, գրում է Turkish Minute-ը։
Թուրքիայի նախագահ Ռեջեփ Թայիփ Էրդողանը Շվեդիային և Ֆինլանդիային մեղադրում է քուրդ զինյալների համար հանգրվան լինելու և «ահաբեկչություն» քարոզելու մեջ։ Նա կրկին սպառնացել է արգելափակել սկանդինավյան երկրների՝ ՆԱՏՕ-ին միանալու հայտը, եթե նրանք չարտահանձնեն տասնյակ ենթադրյալ «ահաբեկիչների»՝ համաձայն երեք երկրների միջև կնքված համաձայնագրի։
Շվեդիայի ԱԳՆ-ն հայտնել է, որ իր դիվանագետին կանչել են Անկարայում շաբաթ օրը հանդիպման, սակայն այլ մանրամասներ չի ներկայացրել։
Թուրքիան դժգոհում է անցյալ շաբաթ Շվեդիայում կայացած իրադարձություններից՝ նվիրված հյուսիսային Սիրիայում քրդերի ապստամբության 10-ամյակին։
Անկարան այժմ սպառնում է Սիրիայում քրդերի դեմ նոր ռազմական գործողություն սկսել՝ սահմանին 30 կմ-անոց անվտանգության գոտի ստեղծելու նպատակով։
Էմմա Չոբանյան
