09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Ուկրաինան ակնկալում է այս շաբաթ սկսել հացահատիկի արտահանումը
Քաղաքականություն
25.07.2022 | 21:42
Ուկրաինական նավահանգիստներից հացահատիկի արտահանման համաձայնագրի ստորագրումից հետո Կիևում հուսով են, որ արդեն այս շաբաթ գործընթացը կսկսվի, գրում է BBC-ի ռուսական ծառայությունը։
«Մենք կարծում ենք, որ առաջիկա 24 ժամվա ընթացքում պատրաստ կլինենք աշխատել մեր նավահանգիստներից գյուղմթերքների արտահանումը վերականգնելու ուղղությամբ: Խոսքը Չեռնոմորսկի նավահանգստի մասին է, այն կլինի առաջինը: Այնուհետև կլինի Օդեսայի նավահանգիստը, հետո՝ Պիվդենիինը»,-ասել է Ուկրաինայի ենթակառուցվածքների նախարարի տեղակալ Յուրի Վասկովը ճեպազրույցի ժամանակ։
Հիշեցնենք, որ ուկրաինական հացահատիկի արտահանման մասին համաձայնագիրը ստորագրվել էր հուլիսի 22-ին Ստամբուլում։
Ռուսաստանն ու Ուկրաինան նույն փաստաթուղթը չէին ստորագրել, փոխարենը կողմերից յուրաքանչյուրն առանձին պայմանագրեր էր ստորագրել ՄԱԿ-ի ու Թուրքիայի հետ։
Էմմա Չոբանյան
