27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Էրդողանը Հունաստանին մեղադրել է Լոզանի պայմանագիրը դիտավորյալ խախտելու մեջ
Քաղաքականություն
24.07.2022 | 21:43
Թուրքիայի նախագահ Ռեջեփ Էրդողանը Հունաստանին մեղադրել է վերջերս Լոզանի խաղաղության պայմանագրի դրույթները, մասնավորապես՝ թուրք ազգային փոքրամասնության իրավունքներին վերաբերող դրույթները միտումնավոր խախտելու մեջ, փոխանցում է «ՌԻԱ Նովոստին»։
Էրդողանն ընդգծել է, որ անցած 99 տարիների ընթացքում Թուրքիան կատարել է իր պարտավորությունները Լոզանի խաղաղության պայմանագրի շրջանակներում։
«Սակայն Հունաստանը վերջին շրջանում միտումնավոր խախտում է Լոզանի խաղաղության պայմանագրի դրույթները, մասնավորապես՝ թուրք ազգային փոքրամասնության իրավունքների վերաբերյալ: Թուրքիան չի կարող ընդունել նման իրավիճակը, որը հակասում է բարիդրացիության սկզբունքներին և համաձայնություններին հավատարիմ լինելուն: Անկարան վճռական է՝ բոլոր ջանքերը գործադրելու տարածաշրջանում կայուն խաղաղության և կայունության հաստատման, ինչպես նաև թուրք ժողովրդի իրավունքների ապահովման համար»,- ասել է Էրդողանը։
Երկրի ղեկավարը հիշեցրել է, որ Լոզանի պայմանագիրը թույլ է տվել մաքրել Թուրքիայի ցամաքային սահմանները, երաշխավորել թուրքական ազգային փոքրամասնությունների իրավունքները Հունաստանում, և հաստատել Թուրքիայի ափերի մոտ գտնվող հունական կղզիների ապառազմականացված կարգավիճակը:
