23.03.2026 | 21:04
«Հայհիդրոմետ» ՊՈԱԿ-ը համալրվել է մթնոլորտային օդի որակի մոնիթորինգի ժամանակակից շարժական լաբորատորիայով
«Այն, ինչ 15 տարի առաջ առաջարկվեց մեզ՝ մերժեցինք, և դա հայտնվեց թշնամու մոտ». ապաքաղաքական զրույց Աշոտ Աղաբաբյանի հետ. ՏԵՍԱՆՅՈՒԹ
Հաղորդաշարեր
23.07.2022 | 21:00
Factor TV-ի A-Politic հաղորդաշարի հյուրն է գրող Աշոտ Աղաբաբյանը, որը հիմնականում աշխատում է փաստագրական վեպի ժանրում: Որպես ստեղծագործական հիմք վերցնելով պատմական փաստաթղթերը և կենդանի մարդկանց վկայությունները` Աղաբաբյանը հերոսներին միս ու արյուն է տալիս՝ կառուցելով գրական երկի սյուժե: Եթե վեպը հետախուզական գործողությունների մասին է, ապա հեղինակին տրամադրվում է փաստաթղթերի միայն թույլատրելի մասը, որը, հաղորդման հյուրի տեղեկություններով, տվյալ հերոսի գործունեության չնչին տոկոսն է կազմում: Գաղտնիությունը պահպանվում է տասնամյակ շարունակ:
Աղաբաբյանի հերոսներն ուժեղ, կայացած, բարձր պրոֆեսիոնալիզմով օժտված մարդիկ են, վառ անհատականություններ՝ հետախույզներ, գիտնականներ, մարզիկներ: Նրանք հայ ժողովրդի զավակներն են, որոնք այսպես թե այնպես կապված են իրենց հայրենիքի հետ: Վեպում ներկայացված են նաև նրանք, ովքեր խանգարել են հերոսներին: Դրանք Խորհրդային միության հզորներն էին, ինչպես նաև՝ հայաստանցի բարձրաստիճան պաշտոնյաները: Հաղորդման հյուրի խոսքերով՝ ինքն այդ պատմությունները ներկայացնում է նաև դասեր քաղելու համար, և գլխավոր դասը, թերևս, պրոֆեսիոնալիզմի, կոմպետենտության հրամայականն է: Որպես օրինակ՝ նա հիշեցնում է 15 տարի առաջվա մի պատմություն, որն առավել արդիական է դառնում այսօր:
Գրողն անընդունելի է համարում հակառակորդի ծաղրանկարային կերպարների կերտումը: Թե՛ գերմանացիները խորհրդային հետախույզների համար, և թե՛ Հայաստանի հատուկ ծառայությունների դեմ հակամարտող պայմանական «թուբացիները» լուրջ պրոֆեսիոնալներ են, և նրանց գերազանցելը դժվար գործ է: Աղաբաբյանն, ընդհանրապես, գտնում է, որ հակառակորդին թերագնահատելը մեր գլխավոր թերություններից մեկն է: Լավատեսության հիմքը, նրա կարծիքով, սեփական սխալների գիտակցումն է:
Մանրամասները՝ տեսանյութում:
