07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՀՀ տարածքային զարգացման հիմնադրամը պարզաբանում է ներկայացրել՝ բացթողումն արդարացնելով տեխնիկական վրիպակով
15.05.2018 | 18:44
ՀՀ տարածքային զարգացման հիմնադրամը, արձագանքելով մայիսի 10 ին հրապարակված «Սերժ Սարգսյանի հրաժարականի օրը «ԻնգոԱրմենիայի» հետ կասկածելի պայմանագիր է կնքվել» վերնագրով տեսանյութին, որում տնտեսագետ Արտակ Մանուկյանը ներկայացրել էր իր դիտարկումներն այդ օրերին կատարված որոշ պետգնումների շուրջ, հանդես է եկել պարզաբանմամբ:
«Հայաստանի տարածքային զարգացման հիմնադրամն իր աշխատակիցների առողջության ապահովագրության համար «ԻնգոԱրմենիա» ընկերության հետ «Ապահովագրության և ապահովագրական գործունեության մասին» թիվ ՀՕ-177-Ն օրենքի համաձայն՝ 2015թ. ապրիլի 17-ին Համաշխարհային բանկի գնումների ընթացակարգերով կնքել է անժամկետ պայմանագիր, որի վճարումները հատկացվում են տարին մեկ անգամ ամբողջ տարվա համար:
Ինչպես հայտնի է, «Գնումների մասին» թիվ ՀՕ-21-Ն օրենքով Պատվիրատու են հանդիսանում նաև հիմնադրամները և որոնց կարիքների համար կատարվող գնումները 2017թ. ապրիլի 25-ից նախատեսվում է իրականացնել էլեկտրոնային գնումների Armeps համակարգի միջոցով:
«ԻնգոԱրմենիա» ընկերության հետ պայմանագիրը կնքվել է մինչև Գնումների մասին օրենքը ուժի մեջ մտնելու պահը և այն շարունակական բնույթ է կրում: 2016թ. և 2017թ. ապրիլին վերոնշյալ պայմանագրի համար հատկացվել են ֆինանսական միջոցներ: Հիմք ընդունելով վերոգրյալը՝ 2018թ. ապրիլին, Հայաստանի տարածքային զարգացման հիմնադրամը նույնպես հատկացրել է ֆինանսական միջոցներ, արդեն իսկ կնքված պայմանագրի համար` առանց գնում իրականացնելու:
Համաձայն վերոնշյալ պայամանգրի Հոդված 7-ի՝ Գաղտնիությունը սահմանվում է.
| 7.1. Կողմերը պարտավորվում են սույն պայմանագրի կատարման շրջանակներում չհրապարակել գաղտնիք պարունակող տեղեկությունները: |
| 7.2. Սույն պայմանագիրը և նրան կցվող հավելվածները կարող են ներկայացվել միայն պաշտոնական մարմինների ներկայացուցիչներին, որոնք Հայաստանի Հանրապետության օրենսդրության համաձայն իրավունք ունեն վերահսկել և ստուգել կողմերի գործունեությունը: |
| 7.3. Սույն պայմանագրով գաղտնի են ճանաչվում հետևյալ տեղեկությունները.
– պայմանագրի բովանդակությունը և ձևը, – Ապահովագրված անձանց առողջական վիճակը, – ՀՀ օրենսդրությամբ սահմանված կարգով պաշտպանված տեղեկությունները: |
| Սույն պայմանագրին կցվում և դրա անքակտելի մասն են համարվում.
|
| · Հավելված 1. Ապահովագրված անձանց ցուցակ
· Հավելված 2. Տրամադրվող ապահովագրական ծածկույթի ցանկ · Հավելված 3. Ատամնաբուժական ծածկույթ, հատուցման սահմանաչափեր · Հավելված 4. Կամավոր բժշկական ապահովագրության կանոններ: |
Հետևաբար, հիմք ընդունելով պայմանագրի գաղտնիության մասին հոդվածը, www.armeps/ppcm.am էլեկտրոնային համակարգի միջոցով ապահովագրական պայմանագիրը չի հրապարակվել: Իսկ հրապարակված փաստաթղթերը (ապահովագրական ընկերության տնօրենի նամակը և հաշիվ ապրանքագիրը) պարունակում են բավարար տեղեկատվություն` Պայմանագրի հիմնական դրույթների մասին:
Ինչպես նաև տեղեկացնում ենք, որ ապրիլի 19-ին համակարգում պայմանագիրը մուտք անելիս տեղի է ունեցել վրիպակ, ինչի մասին համակարգի հետադարձ կապի միջոցով տեղեկացվել է համապատասխան գերատեսչությանը: Խնդիրը համակարգում լուծվել է ապրիլի 20-ին: Պայմանագիրը www.armeps/ppcm.am էլեկտրոնային համակարգում մուտքագրվել է ապրիլի 23-ին սերվերի ծանրաբեռնվածության պատճառով»,- ասված է պարզաբանման մեջ:
