29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Սերժ Սարգսյանի հրաժարականի օրը «ԻնգոԱրմենիայի» հետ կասկածելի պայմանագիր է կնքվել. Արտակ Մանուկյանը ահազանգում է
Հասարակություն
10.05.2018 | 20:12
Պետական գնումների ոլորտում մոնիթորինգ իրականացնող «Հանրային քաղաքականության հետազոտությունների ազգային կենտրոն» ՀԿ նախագահ Արտակ Մանուկյանի փոխանցմամբ՝ նախկին վարչապետ Սերժ Սարգսյանի հրաժարականի օրվանից՝ ապրիլի 23-ից մինչ օրս, գնումների ոլորտում շատ ավելի մանրազնին մոնիթորինգ են իրականացրել, քան մինչ այդ: Մեր զրուցակիցն ասում է՝ նպատակ ունեին պարզելու, թե արդյոք պետական գնումներում գրանցվել են արտառոց դեպքեր: Համաձայն գնումների հաշվետվողական կայքի տվյալների 2018թ ապրիլի 23-ից մայիսի 10-ը ներառյալ կնքվել է 193 պայմանագիր, որի արդյունքում գեներացվել է 2 մլրդ դրամի պարտավորություն։
Արտակ Մանուկյանի տեղեկացմամբ՝ համադրել են գնումների հաշվետվողականության մասին կայքում առկա պայմանագրերը gnumner.am կայքում ներբեռնված, կնքված պայմանագրերի հայտարարությունների հետ: Մոնիթորինգի ընթացքում որոշ ուշագրավ բացահայտումներ են արել, մասնավորապես այն, որ ապրիլի 23-ին «Հայաստանի տարածքային զարգացման հիմնադրամը» իր աշխատակիցների առողջության ապահովագրության համար «ԻնգոԱրմենիա» ընկերության հետ կնքել է 8 միլիոն 76 հազար ՀՀ դրամի պայմանագիր, որը, սակայն ներբեռնված չէ գնումների հայտարարությունների մասին կայքում:
Ըստ տնտեսագետի՝ եթե պայմանագիրը չի հրապարակվում, ապա այդտեղ հնարավոր է՝ լինեն կոռուպիցոն ռիսկեր:
Հատկանշական է նաև այն, որ նախորդ տարվա նույն ժամանակահատվածի համեմատությամբ այս տարի մեկ անձից կատարված գնումները էականորեն ավելացել են:
Մասնագետը հանրային հաշվետվողականության և թափանցիկության կոնտեքստում ուշադրություն է հրավիրում նաև govtravel.am կայքի վրա, որն ըստ նրա ստեղծված էր ամրագրումներն ավելի թափանցիկ դարձնելու համար:
Մանրամասները՝ տեսանյութում:
