17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Բայրամովն ընդունել է Հայաստան-Ադրբեջան հարաբերությունների կարգավորման հարցով Լավրովի հատուկ ներկայացուցչին
Քաղաքականություն
22.07.2022 | 19:23
Ադրբեջանի ԱԳ նախարար Ջեյհուն Բայրամովն այսօր ընդունել է ՌԴ ԱԳՆ հայ-ադրբեջանական հարաբերությունների կարգավորման հարցով հատուկ ներկայացուցիչ Իգոր Խովաևին, որը նաև ԵԱՀԿ Մինսկի խմբի ռուսաստանցի համանախագահն էր։
Ադրբեջանական լրատվամիջոցները հաղորդում են, որ հանդիպմանը մտքեր են փոխանակվել տարածաշրջանում տիրող իրավիճակի, այդ թվում՝ Ադրբեջանի և Հայաստանի միջև հարաբերությունների կարգավորման գործընթացում տարբեր ուղղություններով ձեռնարկվող քայլերի շուրջ։
Կողմերն ընդգծել են նաև Ադրբեջանի, Հայաստանի և Ռուսաստանի ղեկավարների կողմից ստորագրված եռակողմ հայտարարությունների դրույթների լիարժեք կատարումը՝ տարածաշրջանում անվտանգության ու խաղաղության ապահովման համար։ Նշվել է կարգավորման գործընթացն առաջ մղելու և կոնկրետ արդյունքների հասնելու համար բոլոր ջանքերի մոբիլիզացման կարևորությունը։
Ադրբեջանական կողմի հաղորդմամբ՝ քննարկվել են նաև փոխադարձ հետաքրքրություն ներկայացնող տարածաշրջանային այլ հարցեր ևս։
Էմմա Չոբանյան
