09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
Թուրքիան գնահատելու է Շվեդիայի և Ֆինլանդիայի՝ ՆԱՏՕ-ի անդամակցության մասով եռակողմ գործարքի կատարումը
Քաղաքականություն
22.07.2022 | 22:09
Թուրքիայի ԱԳ նախարար Մևլութ Չավուշօղլուն հայտարարել է, որ Անկարան հաջորդ ամիս կայանալիք եռակողմ հանդիպման ժամանակ կգնահատի Շվեդիայի և Ֆինլանդիայի կողմից համաձայնագրի կատարումը, որը թույլ է տալիս նրանց անդամակցել ՆԱՏՕ-ին, գրում են թուրքական լրատվամիջոցները։
Թուրքիան կանաչ լույս վառեց Շվեդիայի և Ֆինլանդիայի՝ ՆԱՏՕ-ին միանալու համար՝ դաշինքի հունիսի վերջին Մադրիդում կայանալիք գագաթնաժողովի շրջանակում, և երեք երկրները ստորագրեցին հուշագիր։ Չավուշօղլուն հայտնել է, որ համաձայնագրի կատարման մոնիտորինգի հանձնաժողովը կհավաքվի օգոստոսին։
«Մեզ վրա ժամանակի ճնշում չկա, երբ մեր պայմանները կատարեն, մենք մեր խորհրդարանում այն կգնահատենք»,-ասել է Թուրքիայի ԱԳ նախարարը՝ հավելելով․ «Այս երկու երկրները պարտավորություններ ունեն։ Եկան, նստեցինք, բանակցեցինք, մեր պայմաններն ընդունեցին, ի վերջո, ստորագրեցինք։ Հիմա պետք է կատարեն»։
Շվեդիայի և Ֆինլանդիայի՝ ՆԱՏՕ-ին անդամակցելու արձանագրությունները պետք է վավերացվեն բոլոր 30 անդամ երկրների խորհրդարանների կողմից։ Հավելենք, որ եռակողմ հուշագրի համաձայն՝ Սկանդինավյան երկրները պարտավորվում են Անկարային արտահանձնելու ահաբեկիչներին։ Անկարան այս պայմանն առաջադրել էր, որպեսզի կարողանա պահանջել արտահանձնել «Քուրդիստանի աշխատավորական կուսակցության» և FETO-ի ՝ Գյուլենական շարժման ներկայացուցիչներին։
Շվեդիայի ու Ֆինլանդիայի իշխանությունները վստահեցրել են, որ կատարելու են ահաբեկչության դեմ պայքարի վերաբերյալ Թուրքիայի հետ ձեռք բերված պայմանավորվածությունները, սակայն դրա հետ մեկտեղ չեն երաշխավորել քրդերի արտահանձնումը թուրքական դիմումների համաձայն։ Նրանք նշել են, որ արտահանձնման որոշումը կայացնելու է դատարանը և գործընթացներն ընթանալու են երկրների օրենսդրությանը համապատասխան։
Էմմա Չոբանյան
