16.09.2026 | 12:40
ՌԴ-ն ուկրաինական Դնեպրոպետրովսկում ավտոբուսի և Կիև–Նիկոլաև գնացքին է հարվածել․ ՏԵՍԱՆՅՈՒԹ
Բեռլինը Պուտինին մեղադրել է Գերմանիայի դեմ գազի լծակներն օգտագործելու մեջ
Քաղաքականություն
22.07.2022 | 22:47
«Հյուսիսային հոսք» գազատարով ռուսական գազի մատակարարումների վերականգնումը չպետք է դիտվի որպես Ռուսաստանի հուսալիության նշան, նախազգուշացրել է Գերմանիայի էկոնոմիկայի նախարար և փոխկանցլեր Ռոբերտ Հաբեկը։
Ռուսաստանի նախագահ Վլադիմիր Պուտինը բազմիցս օգտագործել է գազի մատակարարումները իր ռազմավարական նպատակների համար՝ Գերմանիան և Եվրոպան բաժանելու համար, ասել է նա հինգշաբթի՝ հուլիսի 22-ի երեկոյան, գերմանական հանրային ZDF հեռուստաալիքի եթերում։
«Պետք է խոստովանենք, որ Պուտինն օգտագործում է այդ գազի լծակը մեր դեմ»,- ընդգծել է նա։ Ուստի Գերմանիան, ըստ Հաբեկի, պետք է խնայողաբար օգտագործի գազը և շարունակի այլընտրանքներ փնտրել։
Միաժամանակ գերմանացի նախարարը «հորինված փաստարկ» և «չկայացած խաղ» է անվանել «Հյուսիսային հոսքի» տուրբինի վերաբերյալ Մոսկվայի բացատրությունները, որի բացակայության պատճառով Մոսկվան հրաժարվել է վերականգնել գազի մատակարարումը։
«Գազպրոմը» բավականաչափ տուրբիններ ունի, վստահ է Հաբեկը՝ նա նշել է, որ նույնիսկ մինչև սպասարկումը «Հյուսիսային հոսք» գազատարը կարող էր 100 տոկոս հզորությամբ աշխատել։
Տաթև Ֆռանգյան
