17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Ադրբեջանցի զինծառայողներն Արցախ գրավյալ տարածքներում թմրանյութերի վաճառքով են զբաղվում
Քաղաքականություն
22.07.2022 | 17:47
Ադրբեջանցի չորս զինծառայող զբաղվել է թմրանյութերի ապօրինի շրջանառությամբ ու վաճառքով։ Այս մասին հայտնում են տեղական լրատվամիջոցները՝վկայակոչելով Պետական սահմանային ծառայությանը։
Նշվում է, որ հուլիսի 21-ին Արցախի գրավյալ Ջրականում Իրանի հետ սահմանային գոտու մոտ սահմանապահները հայտնաբերել են թաքցված չորս փաթեթ։ Ժամը 20:00-ին նկատվել են չորս հոգի, որոնք վերցրել են փաթեթները և փորձել փախչել տարածքից։ Երբ նրանք բերման ենթարկվել, պարզվել է, որ Սահմանապահ զորքերի զինծառայողներ են, որոնք Արցախի գրավյալ տարածքներում ականազերծման աշխատանքներ էին իրականացնում։
Ըստ աղբյուրի՝ պարզվել է, որ կազմակերպիչը Բարդա շրջանի բնակիչ, 1998 թվականին ծնված Հիքմեթ Խալիլին է։ Հայտնաբերված թմրանյութի ընդհանուր քաշը կազմել է ավելի քան 95 կգ՝ 87,6 կգ մարիխուանա, 7,6 կգ հերոին, 400 գ մետամֆետամին, ինչպես նաև 1980 Մեթադոն 40-ի հաբ, 150 հաբ պրեգոբալին, 12 465 այլ հաբեր։ Չորս զինծառայողների անունները չեն հաղորդվում։
Էմմա Չոբանյան
