22.04.2026 | 15:51
ՆԱՏՕ-ն պատրաստ է անվտանգության ու պաշտպանության ոլորտում Հայաստանի հետ համագործակցության
ՌԴ-ի ու Թուրքիայի պետական լրատվական գործակալությունների ներկայացուցիչները գրավյալ Շուշիում մասնակցում են մեդիա ֆորումի․ ԼՈՒՍԱՆԿԱՐՆԵՐ
Քաղաքականություն
22.07.2022 | 22:52
Ադրբեջանը հերթական քարոզչական միջոցառումն է անցկացրել Արցախի գրավյալ Շուշի քաղաքում։ Ադրբեջանական լրատվականների փոխանցմամբ՝ հայկական քաղաքում մեդիա ֆորում է տեղի ունեցել։ Այն կազմակերպել է Ադրբեջանի ԶԼՄ-ի զարգացման գործակալությունը։ Միջոցառմանը մասնակցել են, ինչպես ադրբեջանցի պաշտոնյաներ, այնպես էլ հյուրեր՝ արտերկրից։
Գլխավոր դերակատարներից է Ադրբեջանի նախագահի օգնական, աշխատակազմի արտաքին քաղաքականության վարչության ղեկավար Հիքմեթ Հաջիևը, որը ադրբեջանական քարոզչական թեզերի հիմնական մշակողներից է։
Միջոցառման օտարերկրյա հյուրերի թվում են եղել թուրքական Անադոլու պետական լրատվական գործակալության գլխավոր խմբագիր Յուսիֆ Օզհանը, Տեղեկատվական գործակալությունների եվրոպական դաշինքի գլխավոր քարտուղար Ալեքսանդր Գիբոյը, ՌԴ-ի ՏԱՍՍ պետական լրատվական գործակալության գլխավոր տնօրենի առաջին տեղակալ Միխայիլ Գուսմանը, բուլղարական ԲՏԱ տեղեկատվական գործակալության գլխավոր տնօրենի տեղակալ Եվգենիա Դոյչևան, Al-Jazeera Media Institute-ի ուսուցման մենեջեր Մուհամմադ Թալալ Ադբուլքարիմը։ Նշվում է, որ ընդհանուր առմամբ, ավելի քան 20 երկրի լրատվամիջոցների ներկայացուցիչներ ու փորձագետներ են մասնակցել։
Ի դեպ, Միխայիլ Գուսմանը, որն առաջին անգամը չէ, որ հայկական Շուշիում է, հայտարարել է, որ Արցախյան պատերազմում Բաքուն միջազգային լրատվամիջոցներում բախվել է անարդարության ու հայտարարել է, որ «Ղարաբաղը պատկանում է Ադրբեջանին»։
Էմմա Չոբանյան
