06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
ԱՄՆ-ի հետ որևէ շփում չի եղել Ուկրաինայի հետ խաղաղ բանակցությունների շուրջ․ ՌԴ ԱԳՆ
Քաղաքականություն
21.07.2022 | 17:41
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հինգշաբթի օրը հայտարարել է, որ ԱՄՆ-ի հետ որևէ շփում չի եղել Ուկրաինայի հետ խաղաղ բանակցությունների շուրջ, գրում է Reuters-ը։
«Ամերիկյան վարչակազմն արգելում է Կիևում գտնվող իր հովանավորյալներին նույնիսկ մտածել մեզ հետ բանակցությունների մասին և ակնհայտորեն ստիպում է նրանց կռվել մինչև վերջին ուկրաինացին»,- լրագրողներին ասել է Զախարովան։
Ռուսաստանի և Ուկրաինայի միջև խաղաղ բանակցությունները սառեցվել են ապրիլի սկզբից, երբ Ստամբուլում Թուրքիայի միջնորդությամբ հրադադարի շուրջ բանակցությունները տապալվեցին: Չորեքշաբթի օրն էլ Ռուսաստանի արտգործնախարար Սերգեյ Լավրովը հայտարարել էր, թե «Ուկրաինայի հետ խաղաղ բանակցությունները անիմաստ են»։
Տաթև Ֆռանգյան
