02.05.2024 | 21:14
Նախկին կուսակցական լինելը չի նշանակում պոտենցիալ հանցագործ լինել․ Վահագն Հովակիմյան․ ՏԵՍԱՆՅՈՒԹ
Իտալիայի վարչապետ Մարիո Դրագիի հրաժարականն ընդունվել է․ սպասվում են նոր ընտրություններ
Քաղաքականություն
21.07.2022 | 14:18
Իտալիայի վարչապետ Մարիո Դրագին պաշտոնապես լքել է պաշտոնը։ Նրա հրաժարականն ընդունել է երկրի նախագահը, սակայն Դրագին ժամանակավորապես կմնա կառավարության ղեկին՝ որպես վարչապետի պաշտոնակատար։
Ինչպես Հռոմից հաղորդում է BBC-ի թղթակիցը, ամենայն հավանականությամբ, այս աշնանը Իտալիայում արտահերթ ընտրություններ կանցկացվեն։
Դրագին կորցրել էր իր կոալիցիայում ընդգրկված երեք կուսակցությունների աջակցությունը։ Դեռ չորեքշաբթի առավոտյան Դրագին հայտարարեց, որ որոշել է փոխել իր նախկին որոշումը՝ հրաժարական տալու մասին և պատրաստ է շարունակել աշխատել վարչապետի պաշտոնում։ Միաժամանակ, նա մեկ պայման դրեց՝ իշխող խայտաբղետ կոալիցիայի բոլոր անդամները, որոնք կազմված են թե՛ աջ, թե՛ ձախ կուսակցություններից, պետք է պայմանավորվեն ընդհանուր ծրագրի շուրջ։
Անցյալ շաբաթ Դրագին հայտարարեց, որ հեռանում է, քանի որ կորցրել է «Հինգ աստղ» շարժման աջակցությունը, որն իր իշխող կոալիցիայի հիմնական խաղացողն է: Բայց Իտալիայի նախագահ Սերջիո Մատարելլան չընդունեց նրա հրաժարականը և առաջարկեց խորհրդակցել խորհրդարանի հետ՝ ներկա քաղաքական իրավիճակը հստակ հասկանալու համար։
Չորեքշաբթի օրը Իտալիայի խորհրդարանը պետք է որոշեր կառավարության վստահության մասին, և մի քանի ժամ շարունակ իտալացիները հույսեր էին փայփայում, որ քաղաքական ճգնաժամը կարող է ավարտվել, և ընտրությունները տեղի կունենան նախատեսվածի համաձայն, այսինքն՝ ոչ շուտ քան հաջորդ տարի։ Սակայն կոալիցիոն գործընկերները՝ Սիլվիո Բեռլուսկոնիի աջ կենտրոնամետ «Ֆորցա Իտալիա» կուսակցությունը, «Հինգ աստղ» շարժումը և միգրացիայի դեմ հանդես եկող աջակողմյան «Լիգան», հրաժարվեցին մասնակցել վստահության քվեարկությանը:
Տաթև Ֆռանգյան
