15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Իրաքում Թուրքիայի դեմ ցույցեր են․ Բաղդադը Անկարային է մեղադրում 9 մարդու կյանք խլած հարձակման համար
Քաղաքականություն
21.07.2022 | 13:50
Իրաքի ու Թուրքիայի միջև դիվանագիտական վեճ է առաջացել այն բանից հետո, երբ թուրքական հրետակոծության հետևանքով Իրաքյան Քուրդիստանում ինը խաղաղ բնակիչ սպանվեց, գրում է BBC-ին։ Զոհերի մեծ մասը իրաքցի զբոսաշրջիկներ ու երեխաներ են, առնվազն 23 մարդ էլ վիրավորվել է։
Իրաքի իշխանությունները Անկարայից հետ են կանչել իրենց գործերի ժամանակավոր հավատարմատարին: Թուրքիան էլ իր հերթին նշում է, որ հարվածի հետ կապ չունի, և դա Քրդստանի աշխատավորական կուսակցության (PKK) ձեռքի գործն է։
Իրաքի պետական հեռուստատեսությունը հայտնում է, որ «կատաղի հրետակոծությունը հարվածել է Զախո քաղաքի զբոսայգուն, որը գտնվում է Իրաքի Քուրդիստանի և Թուրքիայի սահմանին: «Թուրքական ուժերը կոպտորեն խախտել են Իրաքի ինքնիշխանությունը», – թվիթերյան իր էջում գրել է Իրաքի վարչապետ Մուստաֆա ալ Քադիմին։
Իրաքի տարբեր քաղաքներում նախօրեին բողոքի ակցիաներ են տեղի ունեցել։ Բաղդադում ցուցարարները հավաքվել են Թուրքիայի դեսպանատան դիմաց՝ դատապարտելու հրետանային հարվածները։ Տարբեր վայրերում ցուցարարները նաև այրել են Թուրքիայի դրոշը։
«Այն վայրերը, որոնց դուք օդային հարվածներ եք հասցնում, քաղաքացիական տարածքներ են․ սպանվել են երեխաներ, երիտասարդ տղամարդիկ և կանայք: Ինչո՞ւ եք օդային հարվածներ հասցնում հանգստավայրին»,- հարց է բարձրացրել ակտիվիստներից մեկը։
Էմմա Չոբանյան
