28.06.2026 | 14:57
ՄԻՊ-ի ներկայացուցիչը Շվեդիայում մասնակցել է գենդերային հավասարության թեմաներին նվիրված միջազգային ուսումնական այցի
Ուկրաինական պատերազմում ՌԴ-ն 15 000 կորուստ ունի․ ԿՀՎ տնօրեն
Քաղաքականություն
21.07.2022 | 14:36
ԿՀՎ տնօրեն Ուիլյամ Բըրնսը գնահատել է ուկրաինական պատերազմում ռուսական մարտական կորուստները։ ԿՀՎ տնօրենն հայտարարել է, որ մինչ այժմ սպանվել է մոտ 15 000 ռուս զինվոր, մոտ 45 000-ը վիրավորվել է։ Ըստ Բըրնսի՝ սա «բավական զգալի» կորուստ է, փոխանցում է Euronews-ը։
«Ուկրաինացիները նույնպես տուժել են, հավանաբար, մի փոքր ավելի քիչ, բայց զգալի թվով զոհեր են տվել»,-ասել է ամերիկացի պաշտոնյան: Բըրնսը նշել է, որ ՌԴ զինվորականները սկզբնական տակտիկական սխալներից հետո ադապտացվել են։
Ռուսական ուժերը վերջին 90 օրվա ընթացքում կենտրոնացել էին արևելյան Դոնբասի շրջանի վրա, ասել է Բըրնսը, այդ ընթացքում առաջանալով 6-ից մինչև 10 մղոն: «Սակայն դա շատ թանկ արժեցավ, և շատ ցավոտ էր երկու կողմերի համար էլ», – ավելացրել է նա:
Տաթև Ֆռանգյան
