08.06.2026 | 11:17
Պատերազմի եռագլուխ կուսակցությունը ջախջախված է. Նիկոլ Փաշինյան․ ՏԵՍԱՆՅՈՒԹ
Չավուշօղլուից հետո Բայրամովը զրուցել է Լավրովի հետ․ կողմերը քննարկել են Հայաստանի ու Ադրբեջանի միջև հարաբերությունների կարգավորման գործընթացը
Քաղաքականություն
21.07.2022 | 11:44
ՌԴ ԱԳ նախարար Սերգեյ Լավրովը նախօրեին հեռախոսազրույց է ունեցել Ադրբեջանի ԱԳ նախարար Ջեյհուն Բայամովի հետ, հաղորդում է Ռուսաստանի արտաքին քաղաքական գերատեսչությունը։
Հաղորդվում է, որ նախարարները քննարկել են երկկողմ համագործակցության աստիճանական զարգացումը 2022 թ-ի փետրվարին բարձրագույն մակարդակով ստորագրված ՌԴ-ի ու Ադրբեջանի միջև դաշնակցային համագործակցության համատեքստում։
«Տեղի է ունեցել մտքերի մանրամասն փոխանակում մի շարք տարածաշրջանային ու միջազգային հարցերի շուրջ, այդ թվում՝ Հայաստանի ու Ադրբեջանի միջև հարաբերությունների կարգավորման գործընթացը։ Ընդգծվել է 2020թ-ի նոյեմբերի 9-ի, և 2021 թ-ի հունվարի 11-ի, նոյեմբերի 26-ի եռակողմ համաձայնությունների դրույթներին խիստ համապատասխան աշխատանքի շարունակման անհրաժեշտությունը»,- ասվում է հաղորդագրության մեջ։
Ի դեպ, Ադրբեջանի ԱԳՆ-ն նաև հայտնում է, որ կողմերը կարծիքներ են փոխանակել տարածաշրջանում տրանսպորտային և տարանցիկ խնդիրների շուրջ և ընդգծել Ռուսաստանի, Ադրբեջանի և Իրանի տարածքով անցնող «Հյուսիս-Հարավ» տրանսպորտային միջանցքի ներուժի ընդլայնման կարևորությունը։ Այս միջանցքի վերաբերյալ Իրանի կատարած այցի ընթացքում խոսել էր նաև ՌԴ նախագահ Վլադիմիր Պուտինը։
Հավելենք, որ նախօրեին ավելի վաղ Բայրամովը հեռախոսազրույց էր ունեցել Թուրքիայի ԱԳ նախարար Մևլութ Չավուշօղլուի հետ ու քննարկել Հարավային Կովկասում վերջին զարգացումները։
Էմմա Չոբանյան
