06.11.2024 | 14:29
Մեկը կար պետությունից գումար էր վերցրել, սարքավորումներ ձեռք բերել, հետո՝ վաճառել․ Գևորգ Պապոյան․ ՏԵՍԱՆՅՈՒԹ
Վլադիմիր Պուտինը «չափից դուրս առողջ է»․ ԱՄՆ ԿՀՎ ղեկավար
Քաղաքականություն
21.07.2022 | 14:10
ԱՄՆ ԿՀՎ տնօրենը հերքել է այն լուրերը, թե ՌԴ նախագահ Վլադիմիր Պուտինը ծանր հիվանդ է և, հավանաբար, տառապում է քաղցկեղից՝ ասելով, որ Պուտինը «չափից դուրս առողջ է», փոխանցում է Euronews-ը:
Ելույթ ունենալով Կոլորադոյի Ասպենի անվտանգության ֆորումում, Ուիլյամ Բըրնսն ընդգծել է, որ դա «պաշտոնական հետախուզական գնահատական չէ»։ «Պուտինի առողջության մասին շատ լուրեր են պտտվում, բայց ինչքանով մենք կարող ենք գնահատել, նա լիովին, չափից դուրս առողջ է»,-ասել է Բըրնսը։
ԿՀՎ ղեկավարը նաև անդրադարձել է Ուկրաինայի մասին Պուտինի պատկերացումներին՝ հայտարարելով, որ դրանք հիմնված են «որոշ խորապես թերի ենթադրությունների վրա»:
«Պուտինն իսկապես հավատում է իր հռետորաբանությանը, և ես լսել եմ, որ նա այս տարիների ընթացքում մասնավոր խոսակցություններում ասում է, որ Ուկրաինան իրական երկիր չէ: Նա կարծում է, որ ինքը, Ռուսաստանն իրավունք ունի գերիշխել Ուկրաինայում»:
Տաթև Ֆռանգյան
