17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Ո՞վ կդառնա Մեծ Բրիտանիայի վարչապետ․ պայքարը կծավալվի Ռիշի Սունակի և Լիզ Թրասի միջև
Քաղաքականություն
21.07.2022 | 11:31
Մեծ Բրիտանիայի Պահպանողական կուսակցության պատգամավորների քվեարկության արդյունքներով կուսակցության առաջնորդի և նոր վարչապետի պաշտոնի համար պայքարի եզրափակիչ են դուրս եկել ֆինանսների նախկին նախարար Ռիշի Սունակը և արտաքին գործերի նախարար Լիզ Թրասը։ Մեծ Բրիտանիայի կառավարության հաջորդ ղեկավարի անունը կորոշվի իշխող Պահպանողական կուսակցության բոլոր անդամների քվեարկությամբ, որի արդյունքները կհրապարակվեն սեպտեմբերի 5-ին, գրում է BBC-ի ռուսական ծառայությունը։
Թեկնածության հաստատման համար Ռիշի Սունակը ստացել է 137 ձայն, Լիզ Թրասը՝ 113։ Այսպիսով, պայքարից դուրս է մնացել երկրի պաշտպանության նախարարի պաշտոնը զբաղեցրած առաջին կինը՝ Փենի Մորդոնը, որը Թրասից 8 ձայն պակաս է ստացել։ Չորրորդ փուլի մեկնարկից առաջ Սունակը 118 ձայնով առաջատարն էր, նրան հաջորդում էին Մորդոնթը և Թրասը։
Լիզ Թրասը շնորհակալություն է հայտնել գործընկերներին աջակցության համար՝ ընդգծելով, որ ինքը «պատրաստ է գործի անցնել առաջին իսկ օրվանից»: Նա համարվում է մյուս թեկնածուներից ամենաշատ քաղաքական փորձ ունեցողը՝ թե՛ ընդհանուր, թե՛ նախարարական աշխատանքում։
Հիմա, երբ երկու թեկնածու է մնացել, նրանք պետք է համոզեն ոչ թե իրենց պատգամավոր գործընկերներին, այլ Պահպանողական կուսակցության բոլոր շարքային անդամներին, որ նրանք վարչապետի ամենաարժանի թեկնածուն են։
Տաթև Ֆռանգյան
