09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Դեսպան Վաղարշակ Հարությունյանը հանդիպել է ՌԴ ԴԽ նախագահի տեղակալ Կ․Կոսաչյովի հետ
Քաղաքականություն
20.07.2022 | 20:22
Հուլիսի 20-ին տեղի է ունեցել ՌԴ-ում ՀՀ դեսպան Վաղարշակ Հարությունյանի և ՌԴ Դաշնային խորհրդի նախագահ Կոնստանտին Կոսաչյովի հանդիպումը։
Հանդիպմանը կողմերն ընդգծել են հայ-ռուսական հարաբերությունների բարձր մակարդակը՝ առանձնահատուկ ուշադրություն դարձնելով ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի աշխատանքներին։
Վ․ Հարությունյանը զրույցի ընթացքում բարձր է գնահատել ռուսաստանցի խորհրդարանականների ներդրումը հայ-ռուսական միջպետական հարաբերությունների զարգացման գործում։ Երկու երկրների միջև փոխգործակցության խորացման համատեքստում ՌԴ-ում ՀՀ դեսպանն ընդգծել է նաև միջտարածաշրջանային համագործակցության կարևորությունը։
Իր հերթին Կ․Կոսաչյովը շեշտել է պրոֆիլային հանձնաժողովների մակարդակով երկու երկրների խորհրդարանականների միջև կանոնավոր հանդիպումներ անցկացնելու փորձի շարունակման կարևորությունը։
Զրուցակիցներն անդրադարձ են կատարել նաև մշակութային և հումանիտար համագործակցությանն, ինչպես նաև երկու երկրների ազգային համայնքների հետագա աջակցությանն ուղղված պայմանների ստեղծմանն առնչվող հարցերին։
