29.04.2026 | 17:12
Փաշինյանը ԱԺ-ում ասաց` նեռվերիս հետ մի՛ խաղացեք, կհայտնվեք ԱԱԾ պադվալում. սա ձեզ չի՞ հետաքրքրում․ Արթուր Խաչատրյանը՝ Դատախազին
«Երբևէ չեմ կարողանա երաշխավորել». ՊՆ նախարարը չի բացառում բանակում կոռուպցիոներ գեներալների առկայությունը
Քաղաքականություն
28.06.2017 | 13:38
Պաշտպանության նախարար Վիգեն Սարգսյանն այսօր՝ հունիսի 28-ին, հրավիրված ասուլիսի ժամանակ, արձագանքելով Factor.am-ի հարցին, թե արդյոք կարո՞ղ է երաշխավորել, որ բանակում կոռուպցիան ու թալանը բացառվելու է, ասաց․ «Ես շուտվանից սովորել եմ չբացառել, որովհետև հասկացել եմ, որ կյանքում ամեն ինչ հնարավոր է»։
Նախարարի խոսքով՝ իրենց խնդիրն է ոչ թե անհատի մատնանշել, այլ այնպիսի ընթացակարգեր ստեղծել, որոնք թույլ կտան խնայել Պաշտպանության նախարարության միջոցները։ Վիգեն Սարգսյանը հստակեցրեց՝ խնայված միջոցներն ուղղվելու են սպառազինությանը. «Ես բավարարված եմ այն արդյունքներով, որոնք ունենք, արդյունքները զգալի են»։
Խնդրեցինք հստակեցնել՝ կարո՞ղ է երաշխավորել, որ կոռուպցիան բացառվելու է բանակում, նախարարն ասաց․ «Երբևէ չեմ կարողանա երաշխավորել, բայց կարող եմ երաշխավորել մի բան, որ կոռուպցիոն ցանկացած դեպքով գնալու եմ մինչև վերջ»։
Առավել մանրամասն՝ տեսանյութում։
Սեդա Ղուկասյան
