24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Ծննդկանի մահվան մեջ մեղադրվող բժշկի գործի քննությունը պաշտպանի միջնորդությամբ հետաձգվում է արդեն երկրորդ անգամ. ՀՔԱՎ
Հասարակություն
15.05.2018 | 13:36
Այսօր՝ 2018 թ. մայիսի 15-ին, Լոռու մարզի ընդհանուր իրավասության դատարանում նշանակված էր 2016 թ. հոկտեմբերին Վանաձորի բժշկական կենտրոնում մահացած ծննդկան Հռիփսիմե Նազլուխանյանի գործի քննությունը:
Ծննդաբերությունից ժամեր անց մահացած ծննդկանի նկատմամբ մասնագիտական պարտականությունները չկատարելու/ոչ պատշաճ կատարելու համար մեղադրանք է առաջադրվել Վանաձորի բժշկական կենտրոնի ավագ մանկաբարձ-գինեկոլոգ Դավիթ Շահվերդյանին:
Տուժող կողմի շահերը ներկայացնում են ՀՔԱ Վանաձորի գրասենյակի փաստաբաններ Արայիկ Զալյանն ու Անի Չատինյանը:
Այսօր դատական նիստն արդեն 2-րդ անգամ հետաձգվեց Դ. Շահվերդյանի պաշտպան Արտակ Ոսկանյանի միջնորդությամբ: Պաշտպանը դատարանին տեղեկացրել էր, որ այլ դատական նիստ ունի և այս գործով դատարան չի կարող ներկայանալ, ինչը հարուցեց տուժող կողմի զայրույթը:
