19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Պուտինը կարող է օգտագործել միջուկային զենքի կիրառման սպառնալիքը․ISW
Քաղաքականություն
20.07.2022 | 16:17
ՌԴ նախագահ Վլադիմիր Պուտինը կարող է օգտագործել միջուկային զենքի կիրառման սպառնալիքը՝ խափանելու Ուկրաինայի հակահարձակումը Խերսոնի, Զապորոժիեի, Դոնեցկի և Լուգանսկի շրջանների գրավված տարածքների ազատագրման համար։ Այս մասին ասվում է Պատերազմի ուսումնասիրման ամերիկյան ինստիտուտի (ISW) նոր ամփոփագրում, գրում է DW-ի ռուսական ծառայությունը։
Նշվում է, որ այդ տարածքների բռնակցումից հետո ՌԴ նախագահը կարող է ուղղակիորեն կամ անուղղակիորեն հասկացնել, որ դրանց վրա այժմ տարածվում է միջուկային զենքի կիրառման դոկտրինը՝ ռուսական տարածքը պաշտպանելու հիմնավորմամբ։
Այսպիսով, ISW-ի վերլուծաբանները գտնում են, որ Ուկրաինան ու արևմտյան դաշնակիցները Կիևի հակահարձաման հարցում սուղ հնարավորություններ ունեն։ Ամփոփագրում միաժամանակ նշվում է, որ միջուկային զենք կիրառելու մասին Կրեմլի՝ նախկինում արված ակնարկները գործնական դրսևորում չեն ունեցել։
Էմմա Չոբանյան
