06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Կորոնավիրուսի դեպքերը տարածաշրջանում աճել են
18.07.2022 | 16:10
Վերջին 1 շաբաթում աշխարհում կորոնավիրուսի նոր դեպքերի 6 % նվազում է գրանցվել։ Այս մասին տեղեկանում ենք worldometers.info կայքից։ Այս շաբաթ աշխարհում գրանցվել է շուրջ 5 մլն 988 հազար դեպք՝ նախորդ շաբաթվա 6 մլն 400 հազարի փոխարեն։
Նվազել է նաև կորոնավիրուսից մահերի թիվը՝ 9 %-ով։ 7 օրում մահացել է 10 հազար 687 մարդ։ Այնուամենայնիվ, չնայած գրանցված նվազմանը, կան երկրներ, որտեղ գրանցվել է կորոնավիրուսի տարածման էական աճ։ Ամենամեծ աճը գրանցվել է Սեն Պիեռ Միքելոնում՝ ավելի քան 33 հազարով Աճ է գրանցվել նաև Հյուսիսային Կորեայում, Ճապոնիայում, Ռումինիայում՝ շուրջ 3000 1 մլն բնակչի հաշվով։ Տարածաշրջանում ևս դեպքերը աճել են։ Իրանում այս շաբաթ գրանցվել է շուրջ 28000 դեպք, ինչը ավելի քան 178 %-ով ավելի է նախորդ շաբաթվանից։
Վրաստանում գրանցվել է 5154 դեպք՝ նախորդ շաբաթվա 1870-ի փոխարեն։ Աճը կազմել է շուրջ 176 %: Թուրքիայում, ըստ կայքի տվյալների, ոչ մի դեպք չի գրանցվել 1 շաբաթում, նախորդ շաբաթ շուրջ 117 հազար դեպք է եղել։ Իսկ Հայաստանում դեպքերը գրեթե կրկնապատկվել են։ 1 շաբաթում գրանցվել է 629 նոր դեպք՝ նախորդ շաբաթվա 354-ի փոխարեն։
