19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Միրզոյանից հետո ԱՄՆ պետքարտուղարի տեղակալը հեռախոսազրույց է ունեցել Բայրամովի հետ է
Քաղաքականություն
18.07.2022 | 11:53
ՀՀ ԱԳ նախարար Արարատ Միրզոյանի հետ կայացած հեռախոսազրույցից հետո ԱՄՆ պետքարտուղարի Եվրոպայի ու Եվրասիայի հարցերով տեղակալ Քերըն Դոնֆրիդը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։
Ադրբեջանական լրատվամիջոցների հաղորդմամբ՝ կողմերը կարծիքներ են փոխանակել տարածաշրջանային ներկա գործընթացների, այդ թվում՝ Հայաստանի ու Ադրբեջանի միջև հարաբերությունների կարգավորման տարբեր ուղղությունների վերաբերյալ։
«Բայրամովը Դոնֆրիդի ուշադրությունն է հրավիրել Ադրբեջանի հայտնի դիրքորոշումը տարածաշրջանում խաղաղության ու առաջընթացի ապահովման, այդ թվում՝ հաղորդակցությունների բացման, սահմանների դելիմիտացիայի, ապագա խաղաղության պայմանագրի շուրջ աշխատանքների մեկնարկի և այդ ուղղություններով Ադրբեջանի ձեռնարկած քայլերի վերաբերյալ»,-ասվում է հայտարարության մեջ։
Դոնֆրիդն էլ իր հերթին բարձր է գնահատել Թբիլիսիում կայացած Հայաստանի ու Ադրբեջանի ԱԳ նախարարների առաջին ուղիղ հանդիպումը ու ընդգծել ուղիղ շփումների շարունակման կարևորությունը։ Նշվում է, որ կողմերը քննարկել են նաև փոխադարձ հետաքրքրություն ներկայացնող այլ հարցեր։
Հավելենք, որ նախօրերին ամերիկյան կողմի նախաձեռնությամբ տեղի էր ունեցել Միրզոյան-Դոնֆրիդ հեռախոսազրույցը, որի ընթացքում կողմերը քննարկել էին տարածաշրջանային անվտանգությանը և կայունությանը վերաբերող մի շարք հարցեր։
Էմմա Չոբանյան
