19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Մոսկվայում տեղի է ունեցել Հայաստանի, Ադրբեջանի և Ռուսաստանի փորձագետների եռակողմ հանդիպում
Քաղաքականություն
15.07.2022 | 19:23
Հայաստանի, Ադրբեջանի և Ռուսաստանի փորձագետները հանդիպել են Մոսկվայում՝ քննարկելու հայ-ադրբեջանական հարաբերությունների կարգավորման մի շարք հարցեր, գրում է Ինտերֆաքսը։
Նշվում է, որ հանդիպումը տեղի է ունեցել այսօր ՌԴ ԱԳՆ Միջազգային հարաբերությունների Մոսկվայի պետական ինստիտուտի ու Միջազգային հարցերով Ռուսաստանի խորհրդի աջակցությամբ, համակարգմամբ։ Միջոցառումը բացել է ՌԴ ԱԳ փոխնախարար Անդրեյ Ռուդենկոն։
Բաքվի ու Երևանի համակարգողներն են եղել Միզգային հարաբերությունների վերլուծական կենտրոնը և Օրբելի վերլուծական կենտրոնը։
Նշվում է, որ փորձագետները քննարկել են հայ-ադրբեջանական հարաբերությունների կարգավորման հարցերի համալիր հիմնված 2020թ-ի նոյեմբերի 9-ի, 2021թ-ի հունվարի 11-ի ու նոյեմբերի 26-ի Հայաստանի, ՌԴ-ի ու Ադրբեջանի ղեկավարների եռակողմ հայտարարությունների հիման վրա, այդ թվում՝տարածաշրջանում տրանսպորտային հաղորդակցությունների ապաշրջափակման խնդիրները, սահմանների դելիմիտացիան, խաղաղության պայմանագրի շուրջ բանակցությունների հեռանկարները, ինչպես նաև հումանիտար խնդիրները և կողմերի միջև վստահության ամրապնդման հնարավոր միջոցները։
Նշվում է, որ մասնակիցներտժը պայմանավորվել են շարունակել շփումները ու համատեղ աշխատանքը «Երկխոսություն խաղաղության մասին» եռակողմ փորձագիտական հարթակի շրջանակներում։
Էմմա Չոբանյան
