18.09.2026 | 17:02
Պակիստանում մզկիթում իրականացված պայթյունի հետևանքով առնվազն 15 մարդ է զոհվել, 50-ը՝ վիրավորվել․ ՏԵՍԱՆՅՈՒԹ
«Շուտով կտեսնեք «Մերժիր Սերժին» նախաձեռնության անդամներին պաշտոններում»․ Արմեն Գրիգորյան. ՏԵՍԱՆՅՈՒԹ
Քաղաքականություն
14.05.2018 | 16:57
«Մերժիր Սերժին» նախաձեռնության անդամ, քաղաքագետ Արմեն Գրիգորյանի համար նոր կառավարության կազմում նոր դեմքերի ներկայությունը ողջունելի է, համամիտ չէ միայն ոստիկանապետի պաշտոնում Վալերի Օսիպյանի նշանակման հարցին, բայց կարծում է, որ ամեն դեպքում աշխատելու հնարավորություն պետք է տրվի նրան:
«Կառավարության կազմում կան նաև մարդիկ, որոնք փորձ ունեն, օրինակ՝ Արայիկ Հարությունյանը, վստահ եմ, որ նա կհաջողի։ Կարևոր բացթողում է կանանց ներգրավածությունը նոր կառավարության կազմում, բայց, կարծում եմ, որ ընտրություններից հետո դա կշտկվի»,- ասաց նա։
Սոցցանցերում քննարկվող հարցին, թե ինչու «Մերժիր Սերժին» նախաձեռնության անդամները չկան նոր կառավարության կազմում, Գրիգորյանը պատասխանեց․ «Շուտով կտեսնեք «Մերժիր Սերժին» նախաձեռնության անդամներին պաշտոններում, նախարարների պաշտոններում չեն լինի, բայց այլ պաշտոններում կլինեն։ Քանի որ առաջիկայում ընտրություններ են և նոր կառավարության խնդիրը լինելու է ընտրությունների կազմակերպումը, ես կլինեմ հանձնաժողովում, որը կզբաղվի Ընտրական օրենսգրքի փոփոխության, կուսակցությունների մասին օրենքի փոփոխության, ընտրական համակարգը բարեփոխելու, թափանցիկ դարձնելու քաղաքացիական հասարակության համար այն բացելու գործընթացով»։
Մանրամասները՝ տեսանյութում։
Լիլիթ Շաբոյան
