16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Սիրիայում Թուրքիայի աջակցությունը վայելող զինյալները մոտ են քրդերի դեմ ռազմական գործողություն սկսելուն․ Al-Monitor
17.07.2022 | 21:33
Սիրիայում թուրքական ապստամբների խմբավորումներին կից ռազմական խորհուրդը զորավարժություններ է անցկացնում՝ նախապատրաստվելով Թուրքիայի ռազմական գործողությանը Թալ Ռիֆաաթ քաղաքում, որը վերահսկվում է քուրդ զինյալների կողմից, հայտնում է Al-Monitor-ը։
Մարդու իրավունքների սիրիական դիտորդական կենտրոնը (SOHR) հայտնում է, որ Թուրքիայի Սիրիայի հետ սահմանին զինվորների ու ռազմական տեխնիկա է տեղակայում, այդ թվում ՝ անօդաչուներ։ Թուրքական ռազմական շարասյունը, որը բաղկացած է տանկերից, հրետանուց, զրահատեխնիկայից և զորակոչիկներից, հուլիսի 4-ին մտել է Սիրիայի հյուսիս՝ Բաբ ալ-Սալամայի սահմանային դարպասով և շարժվել դեպի Հալեպում գտնվող թուրքական բազաներ։ Մեկ այլ շարասյուն էլ անցել է Այն-ալ-Բայդան ու ուղևորվել Իդլիբի ու Արևմտյան Հալեպի թուրքական բազաներ։
«Մենք գծել ենք հարձակման պլանը ու կատարել նախապատրաստական աշխատանքները։ Ճակատամարտը շատ մոտ է, և մենք տեղեկացրել ենք թուրքական կողմին, որ զգոն լինի ու պատրաստ ամողջական պատերազմի»,-լրատվամիջոցին ասել է Թուրքիայի կողմից աջակցվող Սիրիական ազատ բանակի առաջնորդը: Նա նշել է, որ հիմնական նպատակը Թալ Ռաֆաթի գրավումն է , որը քրդերի վերահսկողության տակ է։
FSA-ի երրորդ լեգեոնի հանրային կապերի գրասենյակի անդամ Հիշհամ Ասքիֆն էլ ասել է, որ ռազմական գործողության նախապատրաստական աշխատանքների տեմպերը վերջին օրերին կտրուկ աճել են։
«Մենք վարժեցրել ու մոբիլիզացրել ենք զորքերը, և մեր ուժերը դիրքեր են զբաղեցրել առաջնագծում՝ սպասելով ազդանշանի։ Ռեժիմը վերջերս վարժանքներ է անցկացրել Թալ Ռիֆաթում, սակայն նախկիում էլ մենք դա տեսել ենք, հնարավոր չէ դիմակայել թուրքական բանակին, ուստի` ուժերը դուրս կգան, երբ ճակատամարտի մասին հայտարարվի, որը կարող է տեղի ունենալ ցանկացած օր»,- ասել է Ասքիֆը։
Հավելենք, որ ավելի վաղ Թուրքիայի նախագահ Ռեջեփ Թայիփ Էրդողանը ազդարարել էր Սիրիայի հյուսիսում նոր ռազմական գործողություն իրականացնելու մտադրության մասին։
Էմմա Չոբանյան
