09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Շրի Լանկայի վարչապետը հաստատել է, որ հրաժարական կտա
Քաղաքականություն
09.07.2022 | 18:34
Շրի Լանկայի վարչապետ Ռանիլ Վիկրեմեսինգհեն Twitter-ում հաստատել է, որ հրաժարական կտա և տեղը կզիջի համակուսակցական կառավարությանը:
«Կառավարության աշխատանքի շարունակությունն ապահովելու համար, այդ թվում՝ բոլոր քաղաքացիների անվտանգությունը, ընդունում եմ կուսակցական ղեկավարների լավագույն հանձնարարականը՝ տեղը զիջել համակուսակցական իշխանությանը։ Դա հեշտացնելու համար ես հրաժարական կտամ վարչապետի պաշտոնից»,- գրել է Վիկրեմեսինգհեն։
Շաբաթ օրը բազմահազարանոց բողոքի ցույցերն ընդգրկել են Շրի Լանկայի մայրաքաղաքը։ Այդ օրը նախատեսված խաղաղ երթի փոխարեն ցուցարարները ճեղքել են ոստիկանության պատնեշներն ու գրավել նախագահի պալատը։ Նախագահը տարհանվել է և, ԶԼՄ-ների հաղորդումների համաձայն, կարող էր Շրի Լանկայից հեռանալ ինքնաթիռով: Բժիշկների տվյալներով ՝ բողոքի ակցիաների հետևանքով վիրավորվել է առնվազն 40 մարդ, այդ թվում ՝ երկու ոստիկան:
