09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Հանրապետության նախագահը Արա Թորանյանի հետ քննարկել է կրթական, տիեզերական և այլ ոլորտներում համատեղ ծրագրերի իրականացումը
Հասարակություն
09.07.2022 | 18:00
Հանրապետության նախագահ Վահագն Խաչատուրյանը նախագահական նստավայրում հյուրընկալել է Ֆրանսահայ կազմակերպությունների համակարգող խորհրդի համանախագահ, Nouvelle d’Armenie պարբերականի գլխավոր խմբագիր Արա Թորանյանին։
Ինչպես տեղեկացրին նախագահի աշխատակազմից, ողջունելով հյուրին նախագահ Խաչատուրյանը շեշտել է, որ նախագահական նստավայրի դռները միշտ բաց են ֆրանսահայ գործչի առաջ։
Արա Թորանյանը շնորհակալություն է հայտնել նախագահին ընդունելության համար և նշել, որ մշտապես ուրախ է այցելել Հայաստան։
Հանդիպման ընթացքում քննարկվել է կրթական, հասարակական, տիեզերական և այլ ոլորտներում համատեղ ծրագրերի իրականացումը։ Թորանյանը շեշտել է, որ Ֆրանսահայ կազմակերպությունները մշտապես կանգնած են հայկական պետականության կողքին և բոլոր ջանքերը ներդնելու են ինչպես Հայաստանի զարգացման, այնպես էլ Հայաստան-Սփյուռք կապերի շարունակական ամրապնդման համար։
Երկուստեք պայմանավորվածություն է ձեռք բերվել պարբերական շփումների շուրջ։
