14.01.2025 | 16:26
Ոստիկանները բացահայտել են հանցագործության 321 դեպք
Տեղի է ունեցել Հունաստան-Բուլղարիա գազատարի բացումը, որով ադրբեջանական գազ է մատակարարվելու
Քաղաքականություն
08.07.2022 | 22:28
Հունական Կոմոտինի շրջանում տեղի է ունեցել Հունաստան-Բուլղարիա (IGB) ինտերկոնեկտորի՝ փոխկապակցիչի բացումը, որով ադրբեջանական գազը մատակարարվելու է Բուլղարիա։ Այս մասին տեղեկացնում է Ադրբեջանի էներգետիկայի նախարարությունը, գրում են տեղական լրատվամիջոցները։
Նշվում է, որ արարողությանը մասնակցել են Հունաստանի վարչապետ Կիրիակոս Միցոտակիսը, Բուլղարիայի վարչապետ Կիրիլ Պետկովը և Ադրբեջանի էներգետիկայի նախարար Փարվիզ Շահբազովը։
Վերջինը IGB-ի իրականացումն անվանել է «TAP գազատարի զարգացման կարևոր փուլի սկիզբ և Հարավային գազային միջանցքի նոր ճյուղերով դիվերսիֆիկացման ցուցիչ»: Ադրբեջանցի նախախարն ասել է, որ IGB-ի բացումը ռազմավարական կարևոր իրադարձություն է Բուլղարիայի և ամբողջ Հարավարևելյան Եվրոպայի դիվերսիֆիկացված էներգամատակարարման, ինչպես նաև մատչելի և մաքուր էներգիայի սպառողների հասանելիության համար:
Հիշեցնենք, որ IGB խողովակաշարի թողունակությունը, որով ադրբեջանական գազը մատակարարվում է Բուլղարիա, կազմում է 3 միլիարդ խորանարդ մետր, մոտ ապագայում նախատեսվում է այդ ծավալը հասցնել 5 միլիարդ խորանարդ մետրի։
2020 թվականի դեկտեմբերի 31-ից Ադրբեջանը սկսել է գազ արտահանել Եվրոպա Անդրադրիատիկ գազատարով (TAP): Այս խողովակաշարն անցնում է Հունաստանի, Ալբանիայի և Ադրիատիկ ծովի միջով՝ դեպի հարավային Իտալիա:
Էմմա Չոբանյան
