20.11.2024 | 12:22
Մարությանը ճիշտ է արել. Սուրեն Գրիգորյան․ ՏԵՍԱՆՅՈՒԹ
Ռուսներն առաջատարն են Թուրքիայում անշարժ գույք գնող օտարերկրացիների շարքում
Քաղաքականություն
08.07.2022 | 23:03
Ռուսները 2022 թվականի առաջին հինգ ամիսներին Թուրքիայում անշարժ գույք գնող օտարերկրացիների շարքում առաջատար են դարձել։ Այս մասին հայտնել է Kalinka Group-ը, գրում է Ինտերֆաքսը։
«Օտարերկրյա գնորդների մասնաբաժինը Թուրքիայում անշարժ գույքի գործարքների ընդհանուր կառուցվածքում 2022 թվականի հունվարից մինչև մայիս կազմել է գրեթե 5 տոկոս։ Եվ ռուսներն այս տարի առաջատար դիրք են զբաղեցնում»,- ասել է ընկերության զարգացման գծով տնօրեն Ալեքսանդր Շաբիևը։
Նա նշել է, որ ռուսները Թուրքիայում 3,962 անշարժ գույքի օբյեկտ են գնել։ Նրանց մասնաբաժինն օտարերկրյա անշարժ գույքի գնորդների շարքում կազմել է մոտ 15 տոկոս։ Օտարերկրացիների շրջանում երկրորդ տեղում իրանցիներն են՝ 14 տոկոսով, եռյակը եզափակում են Իրաքի քաղաքացիները՝ 12 տոկոսով։ Չորրորդ տեղում Ղազախստանն է, որն ունի 4 տոկոս։ Նույնքան մասնաբաժին ունեն Աֆղանստանը, Գերմանիան, Ուկրաինան և Եմենը։
Նշված ժամանակահատվածում օտարերկրացիները գնել են 27․048 անշարժ գույք։ Օտարերկրյա գնորդների մասնաբաժինը 2022 թվականին, նախորդ տարվա համեմատ, աճել է 15 տոկոսով և դարձել ամենաբարձրը վերջին հինգ տարիների ընթացքում։ Օտարերկրացիների հետ գործարքների թիվը 2022 թվականին աճել է 70 տոկոսով՝ նախորդ տարվա նույն ժամանակահատվածի համեմատ։
Էմմա Չոբանյան
