01.05.2026 | 11:01
Աշխատանքի շնորհիվ ենք ստեղծում նոր արժեքներ և ամրապնդում մեր երկրի տնտեսական հիմքերը․ ՀՀ նախագահ
Թուրքիան արձագանքել է «Ամերիկայի ձայնի» և DW-ի կայքերն արգելափակելու վերաբերյալ ԱՄՆ-ի քննադատությանը
Քաղաքականություն
08.07.2022 | 22:16
Թուրքիան պատասխանել է ԱՄՆ-ի քննադատությանը՝ կապված Voice of America («Ամերիիայի ձայնը») և Deutsche Welle լրատվամիջոցների կայքերի արգելափակման հետ։ Մասնավորապես, Թուրքիայի ԱԳՆ պաշտոնական ներկայացուցիչ Թանջու Բիլգիչը կոչ է արել Վաշինգտոնին՝ հարգել թուրքական օրենքները, գրում է «Անադոլու» գործակալությունը։
«Ժողովրդավարության մասին ներածական դասախոսություն. ժողովրդավարության ատրիբուտներից մեկը խոսքի ազատությունն է, ինչպես նաև օրենքի գերակայության պահպանումը։ Համապատասխան կանոնները թույլ են տալիս ապահովել խոսքի ազատությունը և իրադարձությունները կակոֆոնիայի չվերածել։ «Ամերիայի ձայնի» և «Deutsche Welle»-ի թուրքական ծառայությունները պետք է հարգանք ցուցաբերեն Թուրքիայի օրենքների նկատմամբ, ինչպես թուրքական լրատվամիջոցներն են հարգում ԱՄՆ օրենքները»,- թվիթերյան իր էջում գրել է Բիլգիչը։
Հավելենք, որ ԱՄՆ Պետքարտուղարության մամուլի խոսնակ Նեդ Փրայսը, անդրադառնալով լրատվականների արգելափակմանը, թվիթերյան իր էջում գրել րէ, որ ցավում են նման որոշման համար։
«Մենք ցավում ենք Թուրքիայի Ռադիոյի և հեռուստատեսության բարձրագույն խորհրդի՝ DW-ի և «Ամերիկայի ձայնի» կայքերի արգելափակման որոշման համար, որն է՛լ ավելի է ուժեղացնում կառավարության հսկողությունը Թուրքիայում խոսքի ազատության և լրատվամիջոցների ազատության նկատմամբ։ Ազատ մամուլն էական նշանակություն ունի ամուր ժողովրդավարության համար»,- գրել էր Փրայսը։
Հիշեցնենք, որ օրերս Թուրքիայում արգելափակվել էին երկու լրատվամիջոցների կայքերը։ Համապատասխան որոշումը կայացրել է Անկարայի դատարանը, ինչի մասին հայտնել է Թուրքիայի Ռադիոյի և հեռուստատեսության բարձրագույն խորհրդի (RTÜK) ներկայացուցիչը։ Դեռևս մի քանի ամիս առաջ RTÜK-ը արտասահմանյան հեռարձակողներից պահանջել էր դիմում ներկայացնել՝ ինտերնետ հեռարձակման լիցենզիա ստանալու համար։ Ըստ լրատվականների՝ նման քայլը «թույլ կտա Թուրքիայի կառավարությանը գրաքննել խմբագրական բովանդակությունը», ինչն «անընդունելի կլինի անկախ լրատվամիջոցների համար»:
Էմմա Չոբանյան
