20.11.2024 | 12:22
Մարությանը ճիշտ է արել. Սուրեն Գրիգորյան․ ՏԵՍԱՆՅՈՒԹ
Թուրքիայի կառավարությունը քաղաքապետերին արգելել է առանց ԱԳՆ թույլտվության հանդիպել օտարերկրա դիվանագետներին
Քաղաքականություն
07.07.2022 | 23:30
Թուրքիայի կառավարության որոշմամբ՝ քաղաքապետերն Արտաքին գործերի նախարարությունից թույլտվություն պետք է ստանան՝ օտարերկրյա դիվանագիտական ներկայացուցիչների հետ հանդիպումներ ունենալու համար, գրում են թուրքական լրատվամիջոցները։
Ստամբուլի նահանգապետարանը նամակ է հղել Ստամբուլի քաղաքապետարանին, որում ասվում է, որ բարձրաստիճան պաշտոնյաները, այդ թվում՝ քաղաքապետերը, նախարարները և նահանգապետերը, այժմ պետք է դիմեն ԱԳՆ-ին և թույլտվություն խնդրեն՝ նախքան օտարերկրյան պետությունների ներկայացուցիչների հետ որևէ հանդիպում ունենալը։
Այս որոշումը դատապարտել է Ստամբուլի քաղաքապետ Էքրեմ Իմամօղլուն, որը նշել է, որ նման քայլերն իմաստ չունեն, բայց ցույց են տալիս կենտրոնական իշխանության անկումը հասարակության աչքում։
«Նրանք որոշել են սահմանափակում մտցնել ինձ համար՝ կապված դեսպաններին իմ հանդիպումների հետ, և նրանք անմիջապես նամակ են գրել այս շաբաթ»,- ասել է Իմամօղլուն։
Գլխավոր ընդդիմադիր Ժողովրդահանրապետական կուսակցությունը ներկայացնող (CHP) Իմամօղլուն 2019 թվականի Ստամբուլի ընտրություններում վճռական հաղթանակից հետո նախագահ Ռեջեփ Թայիփ Էրդողանի և իշխող «Արդարություն և զարգացում» կուսակցության կողմից հաճախակի թիրախ դարձած գործիչներից մեկն է։ ԱԶԿ-ն նաև Իմամօղլուի դեմ շինծու մեղադրանքներով հետաքննություն է իրականացնում։
Իշխող ուժը նաև օգտագործում է Իմամօղլուի հանդիպումներն օտարերկրյա դեսպանների հետ որպես զրպարտության գործիք՝ փորձելով քաղաքապետին ներկայացնել «օտար տերությունների» կողմից աջակցվող թեկնածու։
Էմմա Չոբանյան
