20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Թուրքիան դիմել է ԵԽԽՎ-ին՝ թուրքերին Շենգենյան վիզայի մերժման եռակի ավելացման հարցով
Քաղաքականություն
06.07.2022 | 21:56
Թուրքիան դիմել է Եվրախորհրդի խորհրդարանական վեհաժողովին (ԵԽԽՎ) այն բանից հետո, երբ արձանագրել է Թուրքիայի քաղաքացիների համար Շենգենյան վիզայի մերժման եռակի աճ, գրում են թուրքական լրատվամիջոցները։
ԵԽԽՎ-ին ներկայացված զեկույցի համաձայն՝ 2014 թվականին Եվրամիության երկրները մերժել են Թուրքիայի քաղաքացիների Շենգենյան վիզայի դիմումների 4 տոկոսը, մինչդեռ 2020 թվականին այդ ցուցանիշը հասել է 12,7 տոկոսի՝ 300 տոկոսով ավելի։ Թուրքական զեկույցում ասվում է, որ ԵՄ երկրները չափազանց շատ ու անհարկի փաստաթղթեր են խնդրում, վիզայի դիմումի վճարները չափազանց բարձր են և ուղղակի դիմումի գործընթացը վերածում են շատ բարդ խնդրի։
Զեկույցը ներկայացրել է ԵԽԽՎ-ում թուրքական խորհրդարանը ներկայացնող պատգամավոր, իշխող ԱԶԿ-ից Զիյա Ալթունյալդըզը։
«Նկատվում է, որ Շենգենյան գոտու երկրները մերժում են մուտքը իրենց տարածք: Շենգենյան երկրները պետք է օգտագործեն Շենգենյան տեղեկատվական համակարգը մեկ ստանդարտով: Համակարգում տեղեկատվության օգտագործումը չպետք է խախտի մարդու իրավունքները, անձնական և ընտանեկան կյանքի իրավունքը և ճանապարհորդելու իրավունքը»,- ասվում է զեկույցում։
Շենգենյան վիզայի վճարները Թուրքիայի քաղաքացիների համար տատանվում են 60-ից 90 եվրոյի սահմաններում՝ կախված երկրից: Բացի այդ, ԵՄ երկրները պահանջում են մի քանի այլ փաստաթղթեր Թուրքիայի քաղաքացիներից, ինչպիսիք են բանկային հաշվի տվյալները, այլ ֆինանսական միջոցների ապացույցներ, ճանապարհորդական ապահովագրության քաղաքականությունը, ինքնաթիռի տոմսերը և այլն:
Էմմա Չոբանյան
