17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Հարցումները ցույց են տալիս, որ Թուրքիայի գլխավոր ընդդիմադիր կուսակցությունն ընտրություններում գերազանցում է Էրդողանի կուսակցությանը
Քաղաքականություն
06.07.2022 | 23:30
Երկու առանձին հարցումները ցույց են տվել, որ Թուրքիայում խորհրդարանական ընտրություններում գլխավոր ընդդիմադիր Ժողովրդահանրապետական կուսակցությունը (CHP) հաղթում է նախագահ Ռեջեփ Թայիփ Էրդողանի «Արդարություն և զարգացում» (AKP) կուսակցությանը, գրում է Bianet-ը։
Piar ընկերության հարցման համաձայն՝ հարցվածների 29,6 տոկոսն ասել է, որ կքվեարկեր CHP-ի օգտին, եթե ընտրություններ լինեին այս կիրակի, մինչդեռ ԱԶԿ-ին աջակցությունը կազմել է 27,8 տոկոս։
Նրանց հաջորդում են քրդական Ժողովուրդների դեմոկրատական կուսակցությունը (HDP)՝ 11,2 տոկոսով, İYİ կուսակցությունը՝ 11 տոկոսով և «Ազգայնական շարժում» կուսակցությունը՝ 7,3 տոկոսով։
Հարցումն անցկացվել է առցանց՝ ավելի քան 11 հազար քաղաքացու շրջանում հուլիսի 1-ին և 2-ին։
Մեկ այլ՝ Yöneylem ընկերության կողմից անցկացված հարցման համաձայն՝ CHP-ն ստանում է ձայների 27,7 տոկոսը, AKP-ն՝ 27,1 տոկոսը, İYİ-ն՝ 16 տոկոսը, HDP-ն՝ 10,4 տոկոսը, MHP-ն՝ 8,2 տոկոսը։ Այս հարցումն անցկացվել է 2704 մարդու շրջանում հունիսի 24-28-ն ընկած ժամանակահատվածում։
Հավելենք, որ Թուրքիայում հաջորդ նախագահական և խորհրդարանական ընտրությունները նախանշված են 2023 թվականի հունիսին։
Էմմա Չոբանյան
